راجیہ سبھا کے لئے جواہر سرکار نے نامزدگی داخل کی

ترنمول کانگریس نے راجیہ سبھا کے ضمنی انتخاب میں پرسار بھارتی کے سابق سی ای او اور آئی اے ایس جواہر سرکار کو اپنا امیدوار بنایا ہے۔ جواہر سرکار نے آج ریاستی اسمبلی میں راجیہ سبھا کے لئے نامزدگی داخل کی ہے۔

ترنمول کانگریس کے سابق رہنما دنیش ترویدی کے راجیہ سبھا سے استعفیٰ دینے کے بعد سے خالی ہونے والی سیٹ کے لئے ترنمول کانگریس نے سابق آئی اے ایس اور اسکالر جواہر سرکار کو آئندہ 9 اگست کو راجیہ سبھا کے ضمنی انتخاب کے لئے نامزد کیا ہے۔ جواہر سرکار نے آج یعنی بدھ کے روز دوپہر تین بجے ریاستی اسمبلی میں راجیہ سبھا کے لئے پرچہ نامزدگی داخل کردیا ہے۔

پرچہ نامزدگی داخل کرتے وقت ان کے ساتھ ترنمول کانگریس کے رہنما نرمل گھوش بھی موجود تھے۔ ترنمول کانگریس کے دس رکن اسمبلی کی حمایت کے ساتھ انہوں نے پرچہ نامزدگی داخل کیا۔ سمجھا جارہا ہے کہ راجیہ سبھا کے انتخاب میں جواہر سرکار کی جیت یقینی ہے۔

پرسار بھارتی میں رہنے کے دوران ان کو مودی حکومت پر کئی بار نکتہ چینی کرتے ہوئے دیکھا گیا ہے۔ اب وہ راجیہ سبھا میں مودی حکومت کے خلاف بولتے نظر آسکتے ہیں۔

آئی اے ایس رہنے کے دوران کئی بار ان کو مودی حکومت کی پالیسیوں پر نکتہ چینی کرتے ہوئے دیکھا گیا ہے۔ سبکدوشی کے بعد بھی وہ مودی حکومت پر تنقید کرتے رہے ہیں۔