Zaki Hussain Rizvi on Communal Harmony: 'ایک دوسرے کے درد کو محسوس کرنا ہی سیکولرازم ہے'

جنوبی 24 پرگنہ کے تاریخی شہر میٹیا برج سے تعلق رکھنے والے شیعہ عالم دین مولانا سید ذکی حسین رضوی Islamic Scholar Maulana Syed Zaki Hussain Rizvi نے کہا کہ ملک کی موجودہ صورتحال کے مدنظر ہمیں ہر قیمت پر متحد ہونا پڑے گا۔ اتحاد قائم کرنا لازمی ہو گیا ہے۔Zaki Hussain Rizvi on Communal Harmony

کولکاتا:مغربی بنگال کے جنوبی 24 پرگنہ میں واقع تاریخی شہر میٹیابرج سے تعلق رکھنے والے عالم دین مولانا سید ذکی حسین رضوی نے ای ٹی وی بھارت سے گفتگو کرتے ہوئے ملک کی موجودہ صورتحال پر تبادلہ خیال کیا۔ اس دوران انہوں نے کہا کہ ملک کی موجودہ صورتحال پر تشویش ہے لیکن ماحول پُر امن ہونے کی بھی امید ہے۔

انہوں نے کہا کہ نپور شرما کی بیان بازی کے بعد ہمیں متحد ہونے کا موقع ملاہے۔ اس موقع کو کسی بھی قیمت پر ہاتھوں سے جانے نہیں دینا ہے کیونکہ اتحاد قائم کرنا اور متحدہ ہونا وقت کی سب سے بڑی ضرورت ہے۔ ان کا کہنا ہے کہ غیر ایک پلیٹ پر آچکے ہیں تو ہم کیوں آ سکتے ہیں۔ ہم اللہ، رسول اور قرآن کو مانتے ہیں تو ان کی ہدایت پر متحد کیوں نہیں ہو سکتے ہیں۔ ہمیں متحد ہونا ہی پڑے گا۔ Zaki Hussain Rizvi on Nupur Sharma

انہوں نے مزید کہا کہ ادے پور میں جو کچھ بھی ہوا، اس پر بے حد افسوس ہے۔ اس کی جتنی بھی مذمت کی جائے، وہ کم ہے کیونکہ اسلام کسی ناحق کو مارنے کی اجازت نہیں دیتا، اسلام کسی دوسرے مذہب پر تنقید کی اجازت نہیں دیتا ہے۔ انہوں نے کہا کہ بھارت میں رہنے والے کسی بھی شخص کو تکلیف پہنچتی ہے تو پورے ملک کو تکلیف محسوس ہوتی ہے۔ ہمیں ایک دوسرے کے درد کا احساس ہے۔ اسی کو سیکولرازم کہتے ہیں۔ Zaki Hussain Rizvi on Communal Harmony