گوہاٹی: انڈین سپرلیگ کے مقابلے جوں جوں آگے بڑھ رہے ہیں توں توں اس کی دلچسپ میں مزید اضافہ ہوتا جا رہا ہے۔فٹبال کے دیوانوں کو دلچسپ اور سنسنی خیز مقابلوں سے لطف اندوز ہونے کا موقع مل رہا ہے۔کل یعنی جمعہ کو موہن بگان سپر جائنٹ کا نارتھ ایسٹ یونائیٹڈ ایف سی سے اہم مقابلہ ہو گا۔
نارتھ ایسٹ یونائیٹڈ ایف سی نے اپنے آخری چار میچوں میں دو ڈرا کھیلا ہے اور دو میں شکست کھائی۔ وہ چھٹے نمبر پر موجود چنئیین ایف سی سے دو پوائنٹ پیچھے ہے۔ جوآن پیڈرو بینالی کے لیے اپنے سیزن کو پٹری سے اترنے سے روکنا اولین ترجیح ہونی چاہیے۔ تاہم، طاقتور موہن بگان سپر جائنٹ کے خلاف کھیلنا کبھی بھی آسان نہیں ہوتا ہے۔