کولکاتا: مغربی بنگال میں پنچایت انتخابات کے لیے نامزدگی کا عمل شروع ہوتے ہیں تشدد کے واقعات رونما ہورہے ہیں۔ آئی ایس ایف کا الزام ہے کہ ا س کے امیدواروں کو کاغذات نامزدگی کا عمل شروع ہوتے ہیں تشدد کے واقعات رونما ہورہے ہیں۔بی ڈی او نمبر 2 کے دفتر کے سامنے بم باری کے واقعات رونما ہوئے ہیں آئی ایس ایف اور ترنمول کانگریس کے ایک ایک کارکن کی موت ہوگئی ہے۔
بھانگوڑ کے رکن اسمبلی نوشاد صدیقی آج دوپہر الیکشن کمیشن سے شکایت کرنے پہنچے۔ انہوں نے کہا کہ گذشتہ کچھ دنوں سے بھانگوڑ میں جو واقعات ہو رہے ہیں، ان سے میں خوفزدہ اور پریشان تھا۔ اس لیے میں وزیر اعلیٰ کے پاس آکر بات کرنے آیا تھا۔ مگر وزیر اعلیٰ ممتا بنرجی نے ملاقات کے لیے وقت نہیں دیا۔ انہوں نے کہا کہ ممتا بنرجی کو پروگرام کرنے کی فرصت ہے مگر اپوزیشن جماعت کے رکن اسمبلی سے ملاقات کے لیے وقت نہیں ہے۔
رکن اسمبلی نوشاد صدیقی نے کہا کہ حکمراں جماعت کے لوگ بم اور بستول سے حملہ کررہے ہیں ۔عرب الاسلام جیسے لوگ کھلے عام غنڈہ گردی کررہے ہیں مگر ان کے خلاف کارروائی نہیں ہورہی ہے۔ اس سے پہلے بھانگوڑ کے رکن اسمبلی گزشتہ روز کو نبنومیں وزیر اعلیٰ سے ملنے گئے تھے۔ لیکن ممتا بنرجی نے ان سے ملاقات نہیں کی۔ نوشاد صدیقی نے کہا کہ میں نے دکھانے کے لیے میل کیا تھا۔ مجھے وقت نہیں دے سکا۔ وہ مصروف ہیں مجھے امید ہے کہ وہ دو چار دن میں مجھے فون کریں گی۔
دوسری جانب آج کانگریس نے آج بھوان بھون میں ڈیپوٹیشن دیا۔لاا ینڈ آرڈر کی صورت حال پر سوال کیا۔ آشوتوش چٹرجی کی قیادت میں کانگریس کے حامی جمعرات کو بھوانی بھون پہنچے۔ تاہم پولیس نے انہیں دھندھنیا آڈیٹوریم کے سامنے روک دیا گیا۔ وہاں سے آشوتوش پیدل بھوانی بھون گئے اور ڈیپوٹیشن پیش کیا۔ اس کے بعد کانگریس کے حامی میٹاڈور کے ذریعہ ریاستی الیکشن کمیشن کی طرف روانہ ہوگئے۔ کانگریس کارکنان کو پولس نے اس وقت روک دیا جب وہ بھوانی بھون میں ڈیپوٹیشن جمع کرنے جارہے تھے۔