کانگریسی لیڈر راہل گاندھی، مغربی بنگال کی وزیر اعلی ممتا بنرجی، دہلی کے وزیر اعلی اروند کیجریوال اور مارکسی کمیونسٹ پارٹی کے سیکرٹری جنرل سیتا رام یچوری نے بھی مسٹر بنرجی کو مبارک باد دی ہے۔ ان تمام لیڈروں نے مسٹر بنرجی کے ساتھ ساتھ ان کی بیوی اشترو ڈفلو اور مائیکل کریمر کو بھی مبارک باد دی ہے جنہیں مسٹر بنرجی کے ساتھ یہ ایوارڈ مشترکہ طور پر دیا گیا ہے۔ اس سے پہلے ہندوستانی شہری امرتيہ سین کو بھی اقتصادیات کے لئے یہ ایوارڈ مل چکا ہے۔
كووند نے اپنے پیغام میں کہا ہے کہ ان ماہرین اقتصادیات نے دنیا بھر میں غربت کو ختم کرنے کے لئے تجرباتی نقطہ نظر اپنایا ہے۔ ان کی تحقیق نے ہندوستان اور پوری دنیا کو غربت سے لڑنے میں مدد فراہم کی ہے۔
مسٹر نائیڈو نے ٹوئیٹ کیا ’’ہمیں اس بات کی دلی خوشی ہے کہ اس بار ہندوستانی نژاد امریکی شہری مسٹر بنرجی کو یہ اعزاز ملا ہے۔
مودی نے تینوں ماہرین اقتصادیات کو مبارکباد دیتے ہوئے کہا ہے کہ انہوں نے غربت کو ختم کرنے کی سمت میں قابل ذکر کردار ادا کیا ہے۔ یہ تمام مبارکباد کے مستحق ہیں۔
محترمہ گاندھی نے مسٹر بنرجی کو مبارکباد دیتے ہوئے کہا ہے کہ ان کو ملے اس اعزاز سے ہندوستان کا سر فخر سے بلند ہوا ہے۔ انہوں نے پوری دنیا میں غربت کو دور کرنے کے لئے ایک تجرباتی نقطہ نظر اپنایا ہے اور اس سے ہندوستان سمیت دنیا کے کئی ممالک کے کروڑوں لوگوں کو فائدہ ہو گا۔ ان کا یہ نظریہ اور استعمال کافی قابل عمل ہے۔ ان کو ملنے والے اس اعزاز سے ملک کا ہر شہری بہت خوش ہے۔