ریاستی وزیر تعلیم پارتھو چٹرجی نے کل ہی ترنمول کانگریس کے ایک پروگرام میں پرائمری اسکولوں کے ٹیچروں کی تنخواہ میں اضافہ کرنے کا اعلان کیا تھا۔
کل ایک تقریب سے خطاب کرتے ہوئے پارتھو چٹرجی نے کہا تھا کہ حکومت، پرائمری اسکولوں کے اساتذہ کی تنخواہ میں گریڈ کے اعتبار سے اضافہ کرنے کو تیار ہے اور اس کیلئے وزارت خزانہ کو تجویز بھیج دی گئی ہے۔
اس کے بعد ہی آج وزارت خزانہ نے نوٹیفکشن جاری کردیا ہے۔ٹرینڈ ٹیچر اور غیر ٹرینڈ ٹیچروں کی تنخواہ میں اضافہ میں فرق ہے۔
جمعرات کو پارتھو چٹرجی کے اعلان کے بعد ہڑتال پر بیٹھے پرائمری اسکولوں کے اساتذہ نے ہڑتال ختم نہیں کرنے کا اعلان کرتے ہوئے کہا تھا کہ جب حکومت نوٹیفیکشن جاری نہیں کرے گی اس وقت تک یہ ہڑتال جاری رہے گا۔
اب یونائٹیڈپرائمری ٹیچرویلفیئر ایسوسی ایشن کے کور کمیٹی کے ممبر انو پ ساہو نے کہا کہ حکومت نے ہمارے مطالبات کو تسلیم کرلیا ہے اس لیے ہم اب ہڑتال ختم کردیں گے۔
دوسری جانب تربیت یافتہ ٹیچروں نے بھی حکومت کے اس فیصلے کا خیر مقدم کرتے ہوئے کہا کہ ہم حکومت کے اس فیصلہ کا احترام کرتے ہیں تاہم اب تک بہت سے تربیت یافتہ افراد ملازمت کیلئے منتظر ہیں حکومت اس جانب بھی توجہ دے۔