Relatives of The Suspect in Shock القاعدہ سے مبینہ روابط کے الزام میں گرفتار امیرالدین کے رشتہ دار صدمے میں

القاعدہ سے مبینہ روابط کے الزام میں گرفتار امیر الدین کے اہل خانہ کو اب بھی یقین نہیں ہو رہا ہے کہ ایمانداری سے محنت و مشقت کر کے گھر کی کفالت کرنے والے شخص کا کسی دہشت گرد تنظیم سے کسی قسم کا کوئی تعلق ہو سکتا ہے۔ Suspect Al Qaida Terrorist

ہاوڑہ: مغربی بنگال کے دارالحکومت کولکاتا سے متصل ہاوڑہ ضلع کے بنگلہ بولنے والے مسلماانوں کی گھنی آبادی والا علاقہ شنکریل امیر الدین کی گرفتاری کے بعد سے ہی صدمے میں ہے۔ جموں و کشمیر کے رامبن میں گذشتہ روز سکیورٹی فورسز کے ہاتھوں القاعدہ سے مبینہ تعلق رکھنے کے الزام میں ایک شخص کی گرفتاری عمل میں آئی۔ پوچھ کچھ کے دوران پتہ چلا گرفتار شخص مغربی بنگال کے ہاوڑہ ضلع کے شنکریل تھانہ علاقے کا رہنے والا ہے۔ اس کا انکشاف ہوتے ہی ہندی اور بنگلہ نیوز چینلز نے اپنے اپنے طریقے سے روایتی انداز میں میڈیا ٹرائل شروع کر دیا۔

معین الدین عرف امیر الدین کے بھائی شہاب الدین نے کہا کہ ان کی گرفتاری کی خبر کسی صدمے سے کم نہیں ہے۔ انہوں کڑی محنت سے کچھ کیا تھا لیکن اب دعویٰ کیا جا رہا ہے کہ وہ کسی تنظیم سے جڑے ہوئے ہیں۔ یہ سب اس لئے کہا جا رہا ہے کہ انہیں کشمیر سے رات کے وقت گرفتار کیا گیا ہے۔ وہیں معین الدین کی بیوی نے کہا کہ ان کے تعلق سے یہ سن کر حیرانی ہوئی کہ انہیں پھنسایا گیا ہے۔ الزام ثابت ہونے سے پہلے ہی انہیں مجرم قرار دے دیا گیا ہے۔

ان کا کہنا ہے کہ وہ واقعی کسی تنظیم سے جڑے ہوئے ہیں تو ان کے خلاف کارروائی کی جائے۔ ابھی کچھ ثابت بھی نہیں ہوا ہے لیکن میڈیا والوں نے انہیں کیا سے کیا بنا دیا۔ ممکن ہے کہ کسی نے کاروباری دشمنی نکالنے کے لئے انہیں جھوٹے معاملے میں پھنسانے کی سازش کی ہو۔ پڑوسیوں کا کہنا ہے کہ معین الدین کی گرفتاری ہمارے لئے کسی صدمے سے کم نہیں ہے۔ وہ ایک عام آدمی ہے لیکن بنگلہ نیوز چینلز میں جس طرح کی خبریں دیکھائی جا رہی ہیں وہ حیران کن ہیں۔ اللہ بہتر جانتا ہے کیا حقیقت ہے۔ Suspect Al Qaida Terrorist Arrest Make Family And Relative Shocked In Howrah