جنوری میں امت شاہ کی کولکاتا آمد متوقع

مرکزی وزیر داخلہ امت شاہ کے جنوری میں مغربی بنگال کا دورہ کریں گے، جہاں شہریت ترمیمی ایکٹ کو لے کر متوا سماج کو واضح پیغام دے سکتے ہیں۔

ریاست میں منعقد ہونے والے اسمبلی انتخابات کے مدنظر بی جے پی کے اعلیٰ رہنما امت شاہ کا دورہ مغربی بنگال کا زوروں پر جاری ہے۔ شمالی 24 پرگنہ کے بنگاوں سے بی جے پی کے رکن پارلیمان شانتانو ٹھاکر نے کہا کہ جنوری میں امت شاہ ایک بار پھر کولکاتا آ رہے ہیں۔

اس مرتبہ امت شاہ کا دورہ مغربی بنگال بہت ہی اہم ہے۔ ان کے دورے سے تین کروڑ متوا سماج کے لوگوں کے مستقبل منسلک ہے۔

وزیر داخلہ امت شاہ مغربی بنگال کے دورے کے دوران شمالی24 پرگنہ کے ٹھاکر نگر بھی آئیں گے۔ امت شاہ خاص طور پر متوا سماج کے لوگوں سے ملنے کے لئے ہی آ رہے ہیں، کیونکہ کے متوا سماج کے لوگوں کو بھارتی شہریت کے علاوہ کچھ بھی نہیں چاہیے۔

رکن پارلیمان شانتانو ٹھاکر

رکن پارلیمان شانتانو ٹھاکر نے کہا کہ وزیر داخلہ امت شاہ ہی شہریت ترمیمی ایکٹ کے حوالے سے کوئی واضح پیغام دے سکتے ہیں۔ ان کے علاوہ کسی اور سے کوئی امید نہیں ہے۔

واضح رہے کہ رکن پارلیمان شانتانو ٹھاکر مغربی بنگال میں رہنے والے متوا سماج کے لوگوں کو بھارتی شہریت دلانے کے لئے بضد ہیں۔ رکن پارلیمان مسلسل بی جے پی مخالف بیان بازی کر رہے ہیں، جس کی وجہ سے انہیں انتباہ نوٹس بھی جاری کیا گیا ہے۔ وزیر جیوتی پریہ ملک نے بی جے پی کو چھوڑ کر ترنمول کانگریس ‌‌‌‌‌میں شامل ‌‌‌‌ہو نے کی پیشکش کی ہے۔