مغربی بنگال کے گورنرجگدیپ دھنکر کاکہنا ہے کہ گورنرز پر تنقید کرنا بے کارہے۔ انہیں تنقید کاہدف نہ بنایاجائے۔گورنرز بھی اپنی اپنی ریاستوں کی ترقی کے لیے سوچتے ہیں۔
انہوں نے کہاکہ میں جب مغربی بنگال کی وزیراعلیٰ ممتابنرجی کی طوفان بلبل سے نمٹنے پردل کھل کر تعریف کی تو کسی نے مجھے بی جے پی کا ترجمان نہیں کہا۔
گورنرکاکہنا ہے کہ میں جب بھی کسی مسئلے پر بات کرتاہوں تو مجھے بی جے پی کاترجمان کہہ جاتا ہے لیکن میں جب وزیراعلیٰ کی تعریف کرتاہوں تو کوئی بھی مجھے کچھ نہیں کہتا ہے۔
جگدیپ دھنکر کے مطابق آئین کے مطابق کام کرتاہوں۔میں آیئن کے دائرے میں رہنا پسند کرتاہوں۔ میں اس سے باہر جاکر کام نہیں کرتا اور کیونکہ کروں۔
ریاستی گورنرنے کہاکہ میں اب وزیراعلیٰ ممتابنرجی کے خلاف کچھ نہیں بولوں گا۔اس سے بات بگڑجاتی ہے۔
انہوں نے کہاکہ میرا بطورگورنرسودن گزارچکاہوں۔ لیکن کسی بھی ریاستی وزیر نے مجھے ایک خط لکھنا بھی ضروری نہیں سمجھا ۔ میں پوچھنا چاہتوں میں ایسا میں نے کردیا ہے کہ سارے لوگ ناراض ہوگیے ہیں۔
گورنرکے مطابق گاڑی کے ذریعہ میں700کیلومٹرکا سفر طے کرتاہوں لیکن کوئی مجھ سے کوئی سوال نہیں کرتا ہے۔ لیکن ریاستی کام کے لیے ہیلی کاپٹرکامطالبہ کرتا ہوں تو سارے لوگ مجھ پر تنقید کرتے ہیں۔
واضح رہے کہ گزشتہ روز وزیراعلیٰ ممتابنرجی نے مغربی بنگال اور مہاراشٹر کے گورنرز کو بی جے پی کے ترجمان قراردیتے ہوئے کہاتھاکہ ایسا لگتا ہے کہ دونوں گورنرزبی جے پی کے کہنے پرہی کام کرتے ہیں۔
