ریاستی حکومت نے نئے سال کے لئے گائیڈ لائن جاری کی

ریاستی حکومت نے 31 دسمبر اور یکم جنوری کے موقع پر کورونا گائیڈ لائن کے تحت نیے سال کا جشن منانے کی ہدایت جاری کی ہے

کلکتہ ہائی کورٹ کے بعد مرکزی حکومت کی جانب سے نئے سال کے موقع پر جشن منانے کے لئے ہدایات جاری کی گئی ہے۔ تو وہیں آج شام ریاستی حکومت نے بھی 31 دسمبر اور یکم جنوری کے دن کورونا گائیڈ لائن کے تحت نیے سال کا جشن منانے کی ہدایت جاری کی ہے۔

ریاستی سیکریٹریٹ بلڈنگ نبنو میں پریس کانفرنس کے دوران چیف سکریٹری الاپن بنرجی نے کہا کہ کورونا گائیڈ لائن کے تحت نیے سال کے موقع پر جشن منایا جا سکتا ہے۔

انہوں نے کہا کہ کولکاتا پولیس کو سخت ہدایت دی گئی ہے کہ نئے سال کے موقع پر ہونے والے تمام پراگرام پر نظر رکھے۔

سال کے آخری دن یعنی 31 دسمبر کی رات اور یکم جنوری کو دارالحکومت کولکاتا کے پارک اسٹریٹ اور اس سے متصل ضلع میں لوگوں کی کافی بھیڑ ہوتی ہے۔

کولکاتا پولیس نے ان علاقوں میں واچ ٹاور اور کیمپ لگانے کا فیصلہ کیا ہے۔ اس کے علاوہ کولکاتا سے آنے والوں کے لئے ماسک پہننا لازمی قرار دیا گیا ہے۔ اس کے باوجود اگر کسی کو کورونا گایڈ لائن کی خلاف ورزی کرتے ہوئے پایا گیا تو انتظامیہ کی جانب سے سخت کارروائی کی جائے گی۔

سوربھ گانگولی سے سیاست میں نہیں آنے کی اپیل: اشوک بھٹاچاریہ

مغربی بنگال میں کورونا وائرس کے یومیہ مریضوں کی تعداد ایک ہزار کے قریب ہے۔ کل مریضوں کی تعداد ساڑھے پانچ لاکھ کے قریب پہنچ گئی ہے۔ اس بیماری سے اب تک ساڑھے آٹھ ہزار لوگوں کی موت ہو چکی ہے۔