کالمپونگ: مغربی بنگال کے کالمپونگ ضلع میں جی این ایل ایف کے رہنما کی پراسرار موت کا واقعہ پیش آیا ہے ۔اس سے پورے علاقے میں سنسنی پھیل گئی۔ پہاڑ کے نیچے جی این ایل ایف کے رہنما کی لاش پائی گئی۔ ان کے جسم پر زخموں کے نشانات پائے گئے ہیں۔ پولیس نے اس معاملے میں ایک شخص کو گرفتار کرلیا ہے۔ کالمپونگ میں سیاسی رہنما کی پر اسرار موت کے واقعے کے بعد سیاسی جماعتوں کے درمیان الزام تراشی کا سلسلہ جاری ہے۔جی این ایل ایف نے رہنما کی پراسرار موت کو قتل دیا ہے۔انہوں نے اس معاملے میں ملوث شرپسندوں کی گرفتاری کا مطالبہ کیا ہے۔
پولیس نے جائے وقوع پر پہنچ کر تفتیش شروع کردی ہے۔پولیس نے اس معاملے میں اب تک ایک شخص کی گرفتاری عمل میں آئی ہے۔اس معاملے میں ملوث دیگر لوگوں کی تلاش جاری ہے۔ پولیس نے مزید کہاکہ مقتول کی شناخے روشن لامبا کے طور پر ہوئی ہے۔ وہ جن این ایل ایف کے رہنما ہیں۔ ان کے جسم پر زخموں کے نشانات پائے گئے ہیں لیکن اس معاملے میں واضح طور پر کچھ بھی کہا نہیں جا سکتا ہے۔ پوسٹ مارٹم رپورٹ کے بعد اس معاملے میں واضح طور پر کچھ کہا جا سکتا ہے۔