دادا کو ہنستے ہوئے دیکھ کر خوشی ہوئی: گورنر جگدیپ دھنکر

گورنر جگدیپ دھنکر نرسنگ ہوم پنہچ کر بی سی سی آئی کے صدر سورو گنگولی کی عیادت کرتے ہوئے ان کی میڈیکل رپورٹ کی تفصیلی معلومات حاصل کی۔

مغربی بنگال کے گورنر جگدیپ دھنکر نے بھارتی کرکٹ ٹیم کے سابق کپتان اور موجودہ بی سی سی آئی کے صدر سورو گنگولی کے نرسنگ ہوم پنہچ کر عیادت کی۔

سورو گنگولی سے ملاقات کرنے کے بعد نرسنگ ہوم کے باہر گورنر جگدیپ دھنکر نے نامہ نگاروں سے گفتگو کرتے ہوئے کہا کہ سورو گنگولی کے ہسپتال میں داخل ہونے کی خبر سن کر بہت ہی حیران ہو گیا تھا، لیکن آئی سی یو وارڈ میں دادا کو ہنستے ہوئے دیکھ کر ساری حیرانی، مایوسی اور گھبراہٹ دور ہو گئی۔ دادا مجھے دیکھتے ہی ہنسنے لگے۔

انہوں نے کہا کہ دادا کو ہنستے ہوئے دیکھنے سے زیادہ خوشی کی اور کیا بات ہو سکتی ہے۔ امید ہے کہ وہ جلد ہی ہسپتال سے گھر واپس لوٹ جائیں گے۔

لاکھوں مداحوں کی دعاؤں کی وجہ سے سورو گنگولی کی جان بچ گئی۔ یہ ایک بڑی بات ہے۔ دعائیں بڑی بڑی پریشانیوں کو پل بھر میں دور کر دیتی ہے۔ دادا کو بہترین علاج مہیا کرانے کی کوشش کی جا رہی ہے۔ تجربہ کار ڈاکٹروں کی ٹیم ان کی دیکھ بھال میں مصروف ہے۔

دوسری طرف ڈاکٹروں کا کہنا ہے کہ آرٹری میں تین بلاکیج پائے گئے ہیں، لیکن اچھی بات یہ ہے کہ وقت سے پہلے اس کی تصدیق ہوئی ہے۔

قبل از وقت اس کی تصدیق ہونے سے بہتر طریقے سے علاج کیا جائے گا۔ سوفیصد بہتری کا امکان روشن ہے۔

واضح رہے کہ آج دن میں سینے میں درد کی شکایت کے بعد سورو گنگولی کو دارالحکومت کولکاتا کے ایک نجی ہسپتال میں داخل کرایا گیا ہے۔

امت شاہ نے سورو گنگولی کی حالت سے متعلق تفصیلی معلومات حاصل کی

وزیراعلی ممتا بنرجی نے ہسپتال پہنچ کر سورو گنگولی کی عیادت کی اور ان کے گھر والوں سے بات چیت کی۔ وزیر داخلہ امت شاہ نے سورو گنگولی کی اہلیہ ڈونا گنگولی کو فون کرکے سورو گنگولی کی حالت اور علاج سے متعلق تفصیلی معلومات حاصل کی۔