مغربی بنگال کے دارالحکومت کولکاتا کے جنوب میں واقع مسلم اکثریتی تجارتی علاقہ توپسیا کے توپسیا اسپورٹس فیڈریشن گراؤنڈ میں عظیم الشان طبی کیمپ کا اہتمام کیا گیا، جس میں سینکڑوں لوگوں نے بڑھ چڑھ کر حصہ لیا۔
ریاستی کابینہ وزیر جاوید احمد خان نے کہا کہ طبی جانچ کیمپ کا اہتمام کرنے کا مقصد عوام کی خدمت کرنا ہے۔ عوام کے لئے کچھ کرنے کی کوشش کی گئی ہے۔
انہوں نے کہا کہ ڈاکٹر کفیل خان سمیت انڈین میڈیکل ایسوسی ایشن کے ممبران بھی مفت طبی جانچ کیمپ کے دوران موجود رہے۔ طبی ماہرین کی موجودگی میں سینکڑوں لوگوں نے اس کیمپ سے فائدہ اٹھانے کی کوشش کی۔
ریاستی وزیر نے کہا کہ اس دوران بنگال کے سابق وزیراعلیٰ ڈاکٹر بی سی رائے کی سماجی خدمات پر روشنی ڈالی گئی۔ انہوں نے کہا کہ ڈاکٹر کفیل خان نے اپنی آزادی کے لئے لمبی لڑائی لڑی۔ انہیں ہدف بنایا گیا، اس کی جتنی مذمت کی جائے وہ کم ہے۔
واضح رہے کہ توپسیا اسپورٹس فیڈریشن کے زیر اہتمام مفت طبی کیمپ کے دوران سینکڑوں لوگوں نے بڑھ چڑھ کر حصہ لیا۔
مزید پڑھیں:بنگال کے عوام سے اترپردیش کو سبق سیکھنا چاہئے: ڈاکٹر کفیل خان
اس موقع پر آنکھ، کان، ناک کے ماہر ڈاکٹرز نے لوگوں کی جانچ کی. اس کے علاوہ مفت طبی کیمپ کے دوران کورونا وائرس کی جانچ کا اہتمام کیا گیا۔ لوگوں سے کورونا گائیڈ پر سختی سے عمل کرنے اپیل کی گئی۔
