کیا شھبندو ادھیکاری بی جے پی میں شامل ہوں گے؟

ترنمول کانگریس کے باغی رہنما شھبندو ادھیکاری جمعرات کو دہلی کے لئے روانہ ہوں گے اور 18 دسمبر کو بی جے پی میں شامل ہو جائیں گے۔

مغربی بنگال کی حکمراں جماعت ترنمول کانگریس اور شھبندو ادھیکاری کے درمیان سیاسی جنگ جاری ہے۔ اب حالت یہاں تک پہنچ گئی ہے کہ شھبندو ادھیکاری کے بی جے پی میں شامل ہونے کی قیاس آرائی تیز ہو گئی ہے۔

رپورٹ کے مطابق شھبندو ادھیکاری جمعرات کو دہلی کے لئے روانہ ہوں گے جہاں ایک تقریب میں شرکت کریں گے۔ وہیں اس کے دوسرے دن 18 دسمبر کو ترنمول کانگریس شھبندو ادھیکاری دہلی میں واقع بی جے پی کے ہیڈ کوارٹر جائیں گے۔ اسی دن بی جے پی میں شامل ہو جائیں گے۔

کیا شھبندو ادھیکاری بی جے پی میں شامل ہوں گے؟

قیاس آرائی ہے کہ شھبندو ادھیکاری ترنمول کانگریس چھوڑ کر بی جے پی میں شامل ہونے کے بعد امت شاہ کے ساتھ واپس کولکاتا آئیں گے۔

بتایا جا رہا ہے کہ وزیر داخلہ امت شاہ 19دسمبر کو دو روزہ دورے پر مغربی بنگال آ رہے ہیں۔ شھبندو ادھیکاری اپنے ہوم ٹاؤں مدنی پور ضلع میں امت شاہ کے ساتھ ایک اسٹیج پر نظر آ سکتے ہیں۔

ذرائع کے مطابق وزیر داخلہ امت شاہ اور شھبندو ادھیکاری 20 دسمبر کو بولپور کے روڈ شو میں بھی ایک ساتھ نظر آ سکتے ہیں۔ حالانکہ ترنمول کانگریس کے باغی رہنما شھبندو ادھیکاری کی جانب سے اب تک کوئی ردعمل نہیں آیا ہے۔

واضح رہے کہ مغربی بنگال کی حکمراں جماعت ترنمول کانگریس اور شھبندو ادھیکاری کے درمیان عرصے سے تنازہ چل رہا ہے۔ تنازعہ کے سبب شھبندو ادھیکاری نے پہلے ہگلی ریور برج کمیشن کے چئیرمین کے عہدے سے استعفی دیا تھا۔ اس کے بعد انہوں نے وزارت ٹرانسپورٹ سے بھی مستعفی ہوگئے۔

وہیں اب قیاس آرائی ہے کہ شھبند ادھیکاری بی جے پی میں شامل ہونے سے قبل رکن اسمبلی کے عہدے سے بھی استعفی دینے والے ہیں۔