Former Mayor Mir Hashim Withdraws Nomination: سابق میئر میر ہاشم نے آزاد امیدوار کی حیثیت سے اپنا نام واپس لے لیا

سابق میئر ان کونسل میر ہاشم نے 22 جنوری کو ہونے والے آسنسول میونسپل کارپوریشن انتخابات سے آزاد امیدوار کی حیثیت سے اپنا نام واپس لے لیا۔Former Mayor Mir Hashim Withdraws Nomination as Independent Candidate

مغربی بنگال کے چار اضلاع میں 22 جنوری کو ہونے والے میونسپل کارپوریشن انتخابات کے پیش نظر سیاسی سرگرمیاں عروج پر پہنچ چکی ہیں۔ شمالی 24 پرگنہ، ہگلی، بردوان اور سلی گوڑی میں انتخابی مہم کے دوران کورونا گائیڈ لائن کی دھجیاں اڑائی جارہی ہیں۔

اسی درمیان سابق میئر ان کونسل میر ہاشم نے 22 جنوری کو ہونے والے آسنسول میونسپل کارپوریشن انتخابات سے آزاد امیدوار کی حیثیت سے اپنا نام واپس لے لیا۔ آسنسول میونسپل کارپوریشن انتخابات میں آزاد امیدوار کی حیثیت سے دستبردار ہونے والے میر ہاشم نے کہا کہ وہ ترنمول کانگریس کا حصہ ہیں۔ وہ پارٹی کی ہر ہدایت پر عمل کریں گے۔ انہوں نے کہا کہ انتخابی میدان سے ہٹنے کے لیے کوئی دباؤ نہیں ہے۔ ویسے بھی جیت کر ترنمول کانگریس میں دوبارہ شامل ہوجاتا۔

دوسری طرف ڈپٹی میئر تبسم آرا آزاد امیدوار کی حیثیت سے انتخابی میدان میں ابھی بھی ڈٹی ہوئی ہیں اور انہیں یقین ہے کہ گزشتہ دو مرتبہ کی طرح اس مرتبہ بھی کامیابی حاصل ہوگی۔

واضح رہے کہ آسنسول میونسپل کارپوریشن انتخابات کے لیے ترنمول کانگریس نے سابق میئر ان کونسل میر ہاشم اور ڈپٹی میئر تبسم آرا کو ٹکٹ نہیں دیا تھا جس کے بعد دونوں نے آزاد امیدوار کی حیثیت سے انتخابات لڑنے کا فیصلہ کیا تھا۔ میر ہاشم نے تو اپنا نام واپس لے لیا ہے لیکن تبسم آرا الیکشن لڑنے پر بضد ہیں۔