سابق وزیراعلیٰ بدھادیب بھٹاچاریہ کی حالت مستحکم
کورونا سے متاثر سابق وزیراعلیٰ بدھادیب بھٹاچاریہ کی حالت میں تیزی سے بہتری آئی ہے، ان کے جسم میں آکسیجن کی مقدار میں بھی اضافہ ہوا ہے۔
مغربی بنگال کے سابق وزیراعلیٰ اور سی پی آئی ایم کے سرکردہ رہنما بدھادیب بھٹاچاریہ کی طبیعت میں تیزی سے بہتری آئی ہے۔
ووڈ لینڈ کے ڈاکٹروں کا کہنا ہے کہ گزشتہ چوبیس گھنٹوں کے دوران سابق وزیراعلیٰ بدھادیب بھٹاچاریہ کی حالت میں تیزی سے بہتری آئی ہے.
ڈاکٹروں نے بتایا کہ سابق وزیراعلیٰ کھانا شروع کر دیا ہے حالانکہ وہ ابھی کم کھاتے ہیں لیکن گزرتے وقت کے ساتھ ساتھ ان کے کھانے میں بھی بہتری آئے گی۔
میڈیکل بورڈ کا کہنا ہے کہ سابق وزیراعلیٰ کورونا سے نجات پا چکے ہیں، سب کچھ ٹھیک رہا تو دو تین دنوں کے اندر ہسپتال سے ڈسچارج کر دیے جائیں گے۔
واضح رہے کہ گزشتہ روز سابق وزیراعلیٰ بدھادیب بھٹاچاریہ اور ان کی اہلیہ میرا بھٹاچاریہ میں کورونا مثبت پائے جانے کے بعد ہسپتال میں داخل کرایا گیا تھا۔
غور طلب ہے کہ مغربی بنگال میں کورونا وائرس کے مریضوں کی کل تعداد گیارہ لاکھ کے قریب پہنچ چکی ہے جب کہ اس بیماری سے اب تک ساڑھے بارہ ہزار لوگوں کی موت ہوچکی ہے۔