مغربی بنگال میں كووڈ- 19 کا پہلا کیس

مغربی بنگال میں خطرناک کورونا وائرس (كووڈ- 19) کا پہلا کیس درج کیا گیا ہے۔ ایک 18 سالہ طالب علم کی تشخیص میں وائرس مثبت پایا گیا ہے جو اتوار کو برطانیہ سے واپس آیا تھا۔

ایک سینئر سرکاری افسر نے بتایا کہ طالب علم اتوار کو برطانیہ سے واپس آیا تھا جس کے بعد سے اس میں كووڈ- 19 کی طرح علامات سامنے آ رہے تھے۔ کورونا وائرس سے متاثر ہونے کے خدشہ کے بعد طالب علم کو بیل گھاٹا اسپتال میں علیحدہ بنائے گئے وارڈ میں رکھا گیا جس کے بعد تشخیص میں اس کے کورونا وائرس سے متاثر ہونے کی تصدیق ہوئی ہے۔

اہلکار کے مطابق طالب علم اس دوران اپنے لواحقین اور ڈرائیور کے ساتھ رابطے میں آیا ہے انہیں بھی نگرانی میں رکھا جائے گا۔

مغربی بنگال میں اس کے علاوہ 18 اور افراد کورونا وائرس سے متاثر ہونے کے اندیشوں کے پیش نظر آئسو لیشن وارڈ میں میں رکھا گیا ہے۔

قابل غور طلب ہے کہ ملک میں کورونا وائرس (كووڈ -19) کے مصدقہ کیسز کی تعداد 137 ہو گئی ہے جن میں 113 بھارتی شہری، 24 غیر ملکی، تین اموات کے کیس اور 14 کیس اسپتال سے چھٹی دیے جانے کے شامل ہیں۔