Fire At Eden Garden ایڈن گارڈن کے ڈریسنگ روم میں آتشزدگی

ایڈن گارڈن کرکٹ گراؤنڈ کے ڈریسنگ روم میں گزشتہ شب آگ لگنے سے چھت اور کچھ فرنیچر کو نقصان پہنچا۔ سرکاری ذرائع نے جمعرات کو یہ اطلاع دی۔

کولکاتا:مغربی بنگال کے دارالحکومت کولکاتا میں واقع عالمی شہرت یافتہ ایڈن گارڈن کرکٹ گراؤنڈ کے ڈریسنگ روم میں گزشتہ شب آگ لگنے سے چھت اور کچھ فرنیچر کو نقصان پہنچا۔ سرکاری ذرائع نے جمعرات کو یہ اطلاع دی۔

فائر بریگیڈ ذرائع نے بتایا کہ بدھ کی صبح تقریباً 11.40 بجے وائرنگ میں مشتبہ شارٹ سرکٹ کی وجہ سے لگنے والی آگ میں کرکٹ ایسوسی ایشن آف بنگال (سی اے بی) کے ٹیم ڈریسنگ روم میں فالس سیلنگ کے کچھ حصے اور کچھ فرنیچر کو نقصان پہنچا۔

ڈریسنگ روم میں کام کرنے والے لوگوں کی نظر سب سے پہلے آگ پر گئی۔ فائر بریگیڈ کی تین گاڑیوں نے موقع پر پہنچنے کے بعد آدھے گھنٹے میں آگ پر قابو پالیا۔ آگ لگنے کی وجہ کی تحقیقات کی جا رہی ہیں۔

کرکٹ ایسوسی ایشن آف بنگال کے مطابق پورے معاملے کی تفتیش کی جارہی ہے۔ڈریسنگ روم کو نقصان پہنچا ہے۔ ورلڈ کپ 2023 سے قبل اس طرح کا واقعہ پیش آنا واقعی تشویش کا باعث ہے۔

قابل ذکر ہے کہ 5 اکتوبر سے شروع ہونے والے ون ڈے ورلڈ کپ کی تیاری کے سلسلے میں ایڈن گارڈن میں تزئین و آرائش کا کام جاری ہے۔ گزشتہ ہفتے کے آخر میں، آئی سی سی کی ایک ٹیم نے مشہور اسٹیڈیم میں تیاریوں کا معائنہ کیا اور اطمینان کا اظہار کیا۔ یہ گراؤنڈ ورلڈ کپ کے پانچ میچوں کی میزبانی کرے گا۔