کولکاتا پولیس کے سابق پولیس کمشنر اورآئی پی ایس آفیسر راجیو کمار کے قریبی ذرائع کے مطابق انہوں نے سی بی آئی کو خط لکھ کر کہا ہے کہ وہ دفتری کام کاج میں مشغول ہیں اور انہوں نے دو ہفتے کا وقت طلب کیا ہے۔اس سے قبل سپریم کورٹ کی ہدایت پر راجیو کمار سی بی آئی کے سامنے شیلانگ میں پیش ہوئے تھے۔
کلکتہ ہائی کورٹ میں اس وقت راجیو کمار کی درخواست پر سماعت چل رہی ہے۔عدالت نے عارضی طور پر راجیو کمار کی گرفتاری پر روک لگارکھی ہے۔سی بی آئی اب راجیو کمار سے شاردا چٹ فنڈ بدعنوانی کیس کے علاوہ روز ویلی چٹ فنڈ گھوٹالے میں پوچھ تاچھ کرنا چاہتی ہے۔
سی بی آئی کا الزا م ہے کہ راجیو کمار چٹ فنڈ بدعنوانی کیس کی جانچ کیلئے ریاستی حکومت کے ذریعہ قائم ایس آئی ٹی کے سربراہ کے طور پر ثبوت کے ساتھ چھیڑچھاڑ کی ہے اور کئی ثبوتوں کو مٹایا ہے۔جس سے کئی بااثر افراد کو فائدہ پہنچ رہا ہے۔
انہوں نے مزیدکہاکہ شارداچٹ فنڈ بدعنوانی کیس کی طرح روز ویلی چٹ فنڈ کیس سے چھٹکارا پانے کے لیے راجیو کمار نے دوہفتوں کی مہلت مانگی ہے۔
واضح رہے کہ کولکاتا پولیس کے سابق پولیس کمشنر راجیو کمار پر شارداچٹ فنڈ کیس میں ثبوت سے چھیڑ چھاڑ کرنے کا الزام ہے۔ سی بی آ ئی نے راجیو کمار سے پوچھ تاچھ کرنے کے لیے ان کی گرفتاری کامطالبہ کر رہی ہے۔
