ٹالی ووڈ اداکارہ سے پوچھ تاچھ

انفورسمنٹ ڈایریکٹوریٹ نے سالٹ لیک میں واقع دفتر میں بنگلہ فلموں کی معروف اداکارہ ریتوپرنا سین گپتا روز ویلی چٹ فنڈ بدعنوانی کیس میں پوچھ تچھ کی۔

ای ڈی کے دفتر میں پیش ہونے سے قبل ریتو پرنا سین گپتا نے کہا کہ انہیں ا ی ڈی سمن ملا ہے۔میں اس لیے یہاں آئی ہوں اور اس سے زیادہ میں کچھ نہیں بول سکتی ہوں۔

ای ڈی کے ذرائع کے مطابق روز ویلی گروپ نے کئی ٹالی ووڈ فلموں کو پرڈیوس کیا تھا۔ریتو پرسنا سین گپتا کی آرگنائزیشن اور روز ویلی گروپ کے درمیان مالی لین دین ہوئے ہیں۔مرکزی جانچ ایجنسی اسی سے متعلق جاننا چاہتی ہے۔

اس کے علاوہ روز ویلی گروپ نے ریتو پرسنا سین گپتا کے غیر ملکی سفر کیلئے اسپانسر بھی کیا تھا۔اس سے متعلق بھی پوچھ تاچھ کیا جارہا ہے۔

اس سے قبل ٹالی ووڈ اداکار پرنجیت چٹرجی کو بھی روز ویلی چٹ فنڈ گھوٹالہ معاملے میں پیش ہونے کو کہا گیا ہے۔ای ڈی اس مہینے 6افراد سے شاردا اور روز ویلی چٹ فنڈ گھوٹالے میں پوچھ تاچھ کرنے والی ہے۔