کولکاتا ائرپورٹ پر پرائیویٹ طیارے کی ہنگامی لینڈنگ

کولکاتا کے نیتاجی سبھاش چندر بوس انٹرنیشنل ائیر پورٹ پر ایک پرائیویٹ طیارے کی ہنگامی لینڈنگ سے افراتفری مچ گئی۔

مغربی بنگال کے دارالحکومت کولکاتا کے شمالی 24 پرگنہ ضلع میں واقع نیتاجی سبھاش چندر بوس انٹرنیشنل ائیر پورٹ پر اس وقت ہنگامہ مچ گیا جب ایک پرائیویٹ طیارے کی ایمرجینسی لینڈنگ ہوئی۔

ذرائع کے مطابق کولکاتا کے نیتاجی سبھاش چندر بوس انٹرنیشنل ائیر پورٹ سے باگ ڈوگرہ کے لئے ایک پرائیویٹ طیارے کی روانگی کے چند منٹوں کے اندر اس کے کیبن سے دھنواں نکلتے ہوئے دیکھا گیا۔ طیارے کے کپتان نے نیتاجی سبھاش چندر بوس انٹرنیشنل ائیر پورٹ کے اے ٹی سی (آئر ٹریفک کنٹرول ) سے ہنگامی لینڈنگ کی اجازت مانگی۔

اے ٹی سی کی جانب سے گرین سگنل ملنے کے بعد طیارے کو ہنگامی لینڈنگ کرائی گئی. پائلٹ کی مستعدی کے سبب طیارے پر سوار تمام مسافر بال بال بچ گئے۔ اس طیارے پر مغربی بنگال کے ڈائریکٹر جنرل آف پولیس دیویندر اور ریاستی داخلہ سیکیورٹی کے سربراہ سرجیت سوار تھے۔

ریاست کے دونوں اعلیٰ افسران نے اپنے ٹویٹر ہینڈل پر اس واقعے کی اطلاع دی. ڈی جے پی اور ریاستی داخلہ سکیورٹی کے سربراہ، وزیراعلیٰ ممتا بنرجی کی تقریب میں شرکت کے لئے سلی گوڑی جا رہے تھے۔

اس واقعہ کے بعد ڈی جی پی دیویندر اور داخلہ سکیورٹی سربراہ سرجیت کر پراکراست وزیراعلیٰ ممتا بنرجی سے ملاقات کرنے کے لیے دوسرے طیارے سے سلی گوڑی پہنچے.