Rujira Banerjee روجیرا بنرجی سے آٹھ گھنٹوں تک ای ڈی کی پوچھ تاچھ

اساتذہ تقرری گھوٹالہ میں پہلی مرتبہ ترنمول کانگریس کے جنرل سیکریٹری ابھیشیک بنرجی کی اہلیہ روجیر ابنرجی آج ای ڈی کے سامنے پیش ہوئیں۔ روجیرا بنرجی آج صبح 10:57بجے صبح سی جی او کمپلیکس میں پہنچیں۔

کولکاتا:مغربی بنگال میں اساتذہ تقرری گھوٹالے کی تفتیش کا سلسلہ جاری ہے۔سی بی آئی اور ای ڈی کی جانب سے ریاست کے اضلاع میں تلاشی مہم چلائی جا رہی ہے۔

اسی درمیان اساتذہ تقرری گھوٹالہ میں پہلی مرتبہ ترنمول کانگریس کے جنرل سیکریٹری ابھیشیک بنرجی کی اہلیہ روجیر ا بنرجی آج ای ڈی کے سامنے پیش ہوئیں۔روجیر ا بنرجی آج صبح 10:57بجے صبح سی جی او کمپلیکس میں پہنچیں۔ای ڈی کی ٹیم ان سے طویل پوچھ گچھ کی۔

ای ڈی نے روجیرا بنرجی کو 4 اکتوبر کو طلب کیا تھا۔ کوئلہ اسمگلنگ معاملے میں روجیرا بنرجی کو اس سے قبل دہلی اور کلکتہ میں طلب کیا جاچکا ہے لیکن یہ پہلا موقع ہے جب ای ڈی نے انہیں اساتذہ بھرتی بدعنوانی کے معاملے میں طلب کیا ہے۔

ای ڈی ذرائع کے مطابق، روجیرا بنرجی سے منی ٹریل میں پوچھ گچھ کی ضرورت ہے جس کی وہ تحقیقات کر رہی ہے۔ ای ڈی ان سے Leaps and Bounds کمپنی کے دستاویز سے متعلق پوچھ تاچھ کرنا چاہتی ہے۔

واضح رہے کہ مغربی بنگال کی حکمراں جماعت ترنمول کانگریس کے قومی جنرل سیکریٹری ابھیشیک بنرجی کی والدہ لتا بنرجی، والد امیت بنرجی کی اہلیہ روجیرا جوکبھی لیپس اینڈ باؤنڈز کی ڈائریکٹر تھیں۔ ای ڈی یہ جاننا چاہتی ہے کہ اس وقت بطور ڈائریکٹر ان کا کیا کردار تھا۔