کولکاتا:ذرائع کے مطابق ای ڈی نے پوچھ گچھ کرنے کے بعد دوپہر میں انہیں حراست میں لیا اور سالٹ لیک کے سی جی او کمپلیکس لے گئی۔فی الحال یہ واضح نہیں ہے کہ بکیب الرحمان کو باضابطہ طور پر گرفتار کیا گیا ہے یا نہیں۔
راشن کی تقسیم میں مبینہ بے ضابطگیوں کی شکایت موصول ہونے کے بعد مرکزی تفتیشی ایجنسی نے گزشتہ سال ایف آئی آر درج کر کے معاملے کی جانچ شروع کی۔ وفاقی ادارے نے گزشتہ تین دنوں میں دو ہمسایہ اضلاع میں متعدد رائس ملوں اور تاجر بکیب الرحمان کے پتے سمیت 12 مقامات پر چھاپے مارے اور سرچ آپریشن کے دوران متعدد موبائل فونز سمیت متعدد دستاویزات ضبط کئے۔
ای ڈی ذرائع نے معاملے کی جانچ کے دوران دعویٰ کیا کہ تاجر کے ایک کابینہ وزیر کے ساتھ بہت قریبی تعلقات ہیں۔ وبائی مرض کے دوران ریاست بھر میں راشن کی تقسیم میں بدعنوانی کے الزامات تھے۔
یہ بھی پڑھیں:Recruitment Drive بنگال کابینہ کا پولس میں بارہ ہزار کانسٹبلوں کی تقرری کا فیصلہ
ذرائع کے مطابق رائس ملز کے علاوہ، بکیب الرحمٰن کے پاس ہوٹل، بار اور ریسٹورنٹ کے کاروبار بھی تھے۔ ای ڈی نے شمالی 24 پرگنہ کے باگوئیہاٹی، کیکھلی اور دشاڈرون میں بھی چھاپے مارے، جہاں بکیب الرحمن کا کاروبار ہیں۔ مرکزی ایجنسی نے باگوئیہاٹی کے داسدرونہ میں بکیب الرحمٰن کے بہنوئی ابھیشیک داس کے گھر پر بھی چھاپہ مارا اور ان سے دستاویزات قبضے میں لئے۔
