ڈورنڈ کپ فٹبال ٹورنامنٹ میں کھیلے گیے میچوں میں ایف سی گو ااور گوکھلم کیرالہ نے اپنے اپنے میچوں میں کامیابی حاصل کرکے اگلے مرحلے میں کوالیفا ئی کرنے کا امکان روشن کرلیا۔
کلیانی میونسپل اسٹیڈیم میں کھیلے گیے میچ میں ایف سی گو اور آرمی گرین کے درمیان دلچسپ مقابلہ ہوا۔ کھیل کے 27 ویں منٹ پر لیسٹن کولاکو نے گول کرکے ایف سی گو ا کو ایک صفر کی سبقت دلائی جو پہلے ہاف کے اختتام تک برقراررہی۔
دوسرے ہاف میں آر می گرین کی جانب سے چند عمدہ تحریکیں دیکھنے کوملیں مگر اس کے باوجود اسکور برابر نہ ہوسکا۔ ایف سی گوا نے ایک صفر سے میچ جیت کر اگلے مرحلے میں کوالیفا ئی کرنے کا امکان روشن کرلیا۔
ڈورنڈ کپ فٹبال ٹورنامنٹ کے گروپ سی کے ایک دیگر میچ میں گوکھلم کیرالہ ایف سی نے چنئی سٹی ایف سی کو یکطرفہ مقابلے میں 0۔4 گول سے شکست دے دی۔
گوکھلم کیرالہ ایف سی کی جانب سے مارکوس جوزف نے تین گول کرکے نہ صرف ٹورنامنٹ میں پہلی ہیٹ ٹرک کرنے کااعزاز حاصل کیا بلکہ اپنی ٹیم کو ناقابل تسخیر سبقت بھی دلائی۔ اس کے علاوہ ہنری کیسکا نے کیرالہ کی جانب سے چوتھا گول کیا۔