بنگال: سڑک حادثے میں ڈاکٹر کی موت

درگاپور کے گوربازار کے قریب ایک پرائیوٹ گاڑی نے چہل قدمی کے لیے نکلے ڈاکٹر کو ٹکر مار دی جس سے وہ موقع پر ہی ہلاک ہو گئے۔

مغربی بنگال کے ضلع بردوان کے درگاپور کے گوربازار علاقے میں تیز رفتار پرائیوٹ گاڑی نے ایک ڈاکٹر کو ٹکر مار دی۔

گاڑی کی ٹکر اتنی زوردار تھی کہ ڈاکٹر 10 سے 13 فٹ کی دوری پر جاگرے۔ جس کی وجہ سے ان کی موقع پر ہی موت ہوگئی۔

پولیس نے جائے وقوع پر پہنچ کر تفتیش شروع کردی۔ پولیس نے پرائیوٹ گاڑی کے ڈرائیور کو گرفتار کر لیا۔

پولیس کا کہنا ہے کہ سڑک حادثے میں ہلاک ہونے والے شخص کی شناخت ارون پال(35 ) کے طور پر ہوئی ہے۔ ارون پال پیشے سے ڈاکٹر تھے۔ وہ آج صبح وہ چہل قدمی کے لیے گھر سے نکلے تھے۔

مقامی باشندوں نے حادثے کے بعد احتجاج کرتے ہوئے ناکہ بندی کردی جس سے آمدرفت ٹھپ پڑ گئی۔