چھ کیلو سونے کے ساتھ متعدد افراد گرفتار

ڈائریکٹوریٹ آف ریونیو انٹلی جنس نے سریہ گھاٹ ایکسپریس سے چار افراد کے پاس سے تقریباً چھ کیلو سونے کے بیسکٹ بر آمد کیا ۔ چاروں افراد کو ریلوے پولیس کے حوالے کردیا گیا ۔

مغربی بنگال کے سلی گوڑی کے قریب ڈائریکٹوریٹ آف ریونیو اینٹلی جنس کی ٹیم نے سریہ ایکسپریس میں چھاپہ ماری مہم کے دوران چار افراد کے پاس سے تقریبا چھ کیلو غیرملکی سونے کے بیسکٹ بر آمد کیا ۔

موصولہ اطلاع کے مطابق ڈائریکٹوریٹ آف ریونیو اینٹلی جنس نے خفیہ اطلاع کی بنیاد پر سریہ گھاٹ ایکسپریس میں چھاپہ ماری مہم چلائی۔ چھاپہ ماری مہم کے دوران ڈائریکٹوریٹ آف ریونیو اینٹلی جنس نے چار افراد کو حراست میں لے کر ان کے سامان کی تلاشی لی ۔

ڈائریکٹوریٹ آف ریونیو اینٹلی جنس کو تلاشی کے دوران چھ کیلو سونے کے بیسکٹ بر آمد کیا ۔ پوچھ گچھ کرنے کے بعد چاروں افراد کو ریلوے پولیس کے حوالے کردیا۔

ڈائریکٹوریٹ آف ریونیو اینٹلی جنس نے بتایا کہ ہمیں اطلاع ملی تھی کہ چند افراد کروڑوں روپے کے سونا لے کر سفر کر رہے ہیں۔ ان کے پاس سے بر آمد شدہ سونے کے بیسکٹ کی بین الاقوامی بازار میں کروڑوں روپے قیمت ہے۔ یہ غیر ملکی سونے کے بیسکٹ ہیں۔

انہوں نے مزیدکہاکہ تفتیش جا ری ہے ۔ اسمگلنگ کے ارادے سے غیرملک سے یہاں لایا گیا تھا۔ریلوے پولیس کاکہنا ہے کہ کیس کی تفتیش جاری ہے ۔ چار لوگوں کی گرفتاری عمل میں آ چکی ہے ۔ تلاشی مہم جاری ہے اور مزید لوگوں کی گرفتاری عمل میں آ سکتی ہے۔

ریلوے پولیس کے مطابق چاروں افراد کو عدالت میں پیش کیاگیا جہاں انہیں پولیس ریمانڈ میں بھیج دیا گیا ہے۔