ڈینگو سے ایک اور موت

ہاوڑاضلع میں ایک ڈینگو میں مبتلا خاتون کی موت کے بعد مقامی باشندوں نے احتجاج کیا اور سڑک کی ناکہ بندی کردی ۔

مغربی بنگال کے دارلحکومت کولکاتا اور اس کے اطراف میں ڈینگو کا قہر جاری ہے۔ کولکاتا میونسپل کارپوریشن اور اس کے اطراف کے کارپوریشن کی تمام ترکوششوں کے باوجود ڈینگوپر قابو نہیں پایا جا سکاہے۔

موصولہ اطلاع کے مطابق ہاوڑا ضلع کے سنتراگاچھی کے ٹھاکر داس لین کی رہنے والی کیاگوسوامی کوچند روز نجی ہستپال میں داخل کرایا گیا تھا ۔ڈاکٹروں نے خاتون کو ڈینگو میں مبتلا ہونے کی تصدیق کی تھی ۔

ذرائع کے مطابق ایک ہفتے بعد کیا گوسوامی کی موت ہوگئی۔خاتون کی موت کے بعد مقامی باشندوں نے احتجاج کیا۔ باشندوں کاکہنا کہ ہاوڑا میونسپل کارپوریشن ڈینگو پر قابو پانے میں پوتہ طرح سے ناکام رہی ہے۔

انہوں نے کہاکہ کارپوریشن کی ناکامی کی وجہ سےئ ہاڑوا اوراس کے اطراف میں ڈینگو کا قہرتیزی سے پھیل رہا ہے ۔ سینکٹروں افراد ڈینگو میں مبتلا ہیں۔

کارپوریشن کے کمشنرنے کہاکہ انتظامیہ پر لاپرواہی کا الزام بے بنیاد ہے ۔کارپوریشن ڈینگو پر قابو پانے کے لیے سرگرم ہے ۔

انہوں نے کہاکہ کارپوریشن کی جانب سے ڈاکٹروں اورملازمین کو متاثرہ علاقوں میں بھیجاجارہا ہے۔ڈینگو پر جلد سے جلد قابو پا لیا جائے گا۔

واضح رہے کہ چند روز کے دوران کولکاتا اورا س کے اطراف ڈینگو سے اب تک تین افراد کی موت ہو چکی ہے ۔