Published : Aug 30, 2023, 6:48 PM IST
کولکاتا:مغربی بنگال کی حکمراں جماعت ترنمول کانگریس کے ترجمان کنال گھوش نے کہا کہ 2 اکتوبر کو ہمارا دھرنا دہلی میں تھا، ہم رام لیلا میدان میں دھرنا کرنا چاہتے تھے۔ اب دہلی پولیس نے اس کی اجازت دینے سے انکار کردیا ہے۔
ترنمول کانگریس کے رہنما نے کہاکہ ہم 30 ستمبر سے 4 اکتوبر تک رام لیلا میدان چاہتے ہیں۔ میٹنگ2 اکتوبر کو ہوگی۔ ہم نے انہیں 23 اگست کو درخواست دی تھی مگر دہلی پولیس نے 28 اگست کو اچانک بتایا کہ بکنگ پہلے ہی ہوچکی ہے۔ اس لپے انہیں نہیں دیا جائے گا۔
پارٹی کے ترجمان کنال گھوش نے مزید کہاکہ وزیراعلی ممتا بنرجی اور ابھیشیک بنرجی کو روکنے کےلئے دہلی پولیس نے پکٹ پرمٹ منسوخ کر دیا ہے۔ یہ بی جے پی کے اشارے پر فیصلہ کیا گیا ہے۔ یہ ایک سیاسی فیصلہ ہے۔
یہ بھی پڑھیں:Meeting on Paschimbenga Divas 2023 ممتا کی آل پارٹی میٹنگ کا کانگریس اور بائیں محاذ نے بائیکاٹ کیا
انہوں نے کہاکہ دہلی پولیس مرکزی وزارت داخلہ کے ماتحت ہے۔ فطری طور پر، ترنمول کانگریس لیڈروں کو پروگرام کرنے پولیس کی جانب سے اجازت نہ دینے کے پیچھے بی جے پی کی 'سازش نظر آتی ہے۔ ان کے مطابق بی جے پی دراصل خوفزدہ ہے۔ اس لیے وہ تحریک کو روکنے کے لیے پولیس کو ڈھال کے طور پر استعمال کر رہے ہیں۔