CPIM Rally At Tehatta کولکاتہ کے تیٹھا میں سی پی آئی ایم کی ایس ڈی پی او گھیراؤ مہم

ندیا ضلع کے تیٹھا تھانہ علاقے میں سی پی آئی ایم کے حامیوں نے ایس ڈی پی او دفتر گھیراؤ کے لئے ریلی کا انعقاد کیا۔ اس موقع پر سی پی آئی ایم اور پولیس اہلکاروں کے درمیان جھڑپ ہوگئی۔ پولیس کا کہنا ہے کہ سی پی آئی ایم زبردستی ایس ڈی پی او دفتر میں داخل ہونے کی کوشش کی۔ سی پی آئی ایم نے الزام کو بے بنیاد قرار دیا ہے۔

ندیا:مغربی بنگال کے ندیا ضلع کے تیٹھا تھانہ علاقے میں سی پی آئی ایم کے سرکردہ رہنما سجن چکرورتی کی قیادت میں بدعنوانی کے خلاف احتجاجی ریلی کا انعقاد کیاگیا۔ سی پی آئی کے سینکڑوں کارکنان ایس ڈی پی او دفتر گھراؤ کرنے کی ناکام کوشش کی۔

ایس ڈی پی گھیراؤ مہم اور بدعنوانی کے خلاف ریلی کے دوران سی پی آئی ایم کے کارکنان اور پولیس اہلکاروں کے درمیان جھڑپ ہوگئی۔ سی پی آئی ایم کے کارکنان پولیس بریکیڈ توڑ کر ایس ڈی پی او دفتر میں زبردستی داخل ہونے کی کوشش کی۔

ڈیوٹی پر تعینات پولیس اہلکاروں نے جب مظاہرین کو روکنے کی کوشش کی تو ہنگامہ کھڑا ہو گیا۔ اس موقع پر سی پی آئی ایم اور پولیس اہلکاروں کے درمیان جھڑپ ہو گئی،پولیس نے جلد ہی حالات پر قابو کرلیا۔اس معاملے میں متعدد کارکنان کو حراست میں لیا گیا۔

پولیس نے کہاکہ مظاہرین بریکیڈ توڑ کر ایس ڈی پی او دفتر میں داخل ہونے کی کوشش کر رہے ہیں۔جب انہیں روکنے کی کوشش کی تو انہوں نے آن ڈیوٹی پولیس اہلکاروں پر حملہ کردیا۔

سی پی آئی ایم کے رہنما سجن چکرورتی نے کہاکہ ہمارے پر امن احتجاج کو ناکام بنانے کی کوشش کی۔ ہم ایس ڈی پی او سے ملنے کے لئے جارہے تھے لیکن بریکیڈ کے ذریعہ ہمیں روکنے کی کوشش کی گئی۔ انہوں نے کہاکہ جہاں تک ترنمول کانگریس کی حکومت کا سوال ہے تو بنگال کے لوگوں کو اچھی طرح سے معلوم ہو چکا ہے کہ اس حکومت سے عام لوگوں کو کوئی فائدہ نہیں ہوا ہے۔