کولکاتا:مغربی بنگال سی پی آئی ایم کے ریاستی جنرل سیکریٹری محمد سلیم نے ہاوڑہ تشدد معاملے پر پریس کانفرنس کو خطاب کرتے ہوئے کہاکہ ہماری ریاست میں رام نومی کے موقع پر جلوس وغیرہ کا چلن نہیں تھا۔ 2021 کے بعد سے ہی ریاست میں یہ سب ہورہا ہے۔ سی پی آئی ایم کے رہنما محمد سلیم نے کہا کہ ترنمول کانگریس اور بی جے پی ایک ہی سکے کے دو رخ ہیں۔ ہاوڑہ معاملے کے لئے حکمراں جماعت ترنمول کانگریس اور بی جے پی ذمہ دار ہے۔
انہوں نے کہاکہ وزیراعلیٰ ممتابنرجی خود ایک پولیس وزیر ہیں۔ انہیں اچھی طرح سے معلوم تھاکہ جلوس کے دوران ہاوڑہ کچھ بھی ہو سکتا ہے تو پھر کیوںکہ اسی علاقے سے جلوس کو گزرنے کی اجازت دی۔ وہ پولیس انتظامیہ کو جلوس کا روٹ بدلنے کا حکم دیتی لیکن وہ کہتی ہیں پولیس بات نہیں سنی۔ ان کا کہنا ہے کہ جس طرح بی جے پی پورے ملک میںمذہب کے نام پر سیاست کرتی ہے ٹھیک اسی طرح ترنمول کانگریس مغربی بنگال میں حکومت کرنے کے لئے پالیسی اپنا رکھی ہے۔