Mohammad Salim Criticizes Mamata Banerjee: سی پی آئی ایم کے رہنما محمد سلیم کا ممتا بنرجی پر تنقید

سی پی آئی ایم کے ریاستی جنرل سیکرٹری محمد سلیم نے ڈی وائی ایف آئی کے جلسے سے خطاب کرتے ہوئے پولیس انتظامیہ اور وزیراعلیٰ ممتا بنرجی کو ہدف تنقید کا نشانہ بنایا اور کہا کہ بنگال میں لاء اینڈ آرڈر نام کی کوئی چیز نہیں ہے۔ CPIM leader Mohammad Salim criticizes Mamata Banerjee

مغربی بنگال کے دارالحکومت کولکاتا میں سی پی آئی ایم کی یوتھ تنظیم ڈی وائی ایف آئی کی جانب سے سہ روزہ سیمینار کا اہتمام کیا گیا ہے جس میں بائیں محاذ کے تمام اعلیٰ رہنما اور کارکنان نے بڑے تعداد میں شرکت کی۔ CPIM Leader Mohammad Salim Criticizes Mamata Banerjee

اس دوران جلسہ سے خطاب کرتے ہوئے سی پی آئی ایم کے ریاستی جنرل سیکرٹری محمد سلیم نے کہا کہ سیمینار میں لوگوں کی بھیڑ نے یہ ثابت کر دیا ہے کہ سی پی آئی ایم کو ختم نہیں کیا جا سکتا ہے، ترنمول کانگریس کی تمام تر کوششوں کے باوجود بنگال میں لال سلام کہنے والا زندہ رہے گا۔ انہوں نے کہا کہ ممتا بنرجی کی قیادت والی ریاستی حکومت نے پولیس انتظامیہ کو کٹھ پتلی بنا کر رکھ دیا ہے، ایسا معلوم ہوتا ہے کہ بنگال میں پولیس نام کی کوئی چیز نہیں ہے۔ CPIM Leader Mohammad Salim Criticizes Mamata Banerjee

انہوں نے کہا کہ ترنمول کانگریس اور بی جے پی کے درمیان کوئی فرق نہیں ہے دونوں ایک ہی سکے کے دو پہلو ہیں۔ ترنمول کانگریس کے رہنماؤں کی پریشانی بڑھتی ہے تو وزیراعلیٰ فوراً دہلی جاتی ہیں اور معاملے کو رفع دفع کرکے واپس لوٹ جاتی ہیں۔ سی پی آئی ایم کے ریاستی جنرل سیکرٹری محمد سلیم نے وزیراعلیٰ ممتا بنرجی کو مغربی بنگال بنگلہ اکاڈمی کی جانب سے دیئے گئے ایوارڈ پر بھی تنقید کی۔ اور کہا کہ وزیراعلیٰ نا کوئی ادیب ہیں اور نا کوئی شاعرہ تو پھر انہیں ادیبی اعزاز سے کیوں نوازا گیا۔