مغربی بنگال میں جاری سخت لاک ڈاؤن کے سبب کورونا وائرس کی دوسری لہر نہایت سست پڑنے لگی ہے جسے ایک مثبت پہلو قرار دیا جا رہا ہے۔
ریاست میں گذشتہ چوبیس گھنٹوں کے دوران کورونا وائرس کے 12 ہزار 128 نئے کیسز کی تصدیق ہوئی ہے جو گذشتہ کل کے مقابلے ساڑھے سات سو کم ہے۔
دوسری طرف گزشتہ چوبیس گھنٹوں کے دوران کورونا وائرس کے سبب 145 لوگوں کی موت ہوئی ہے۔ شرح اموات میں کم و بیش کا سلسلہ جاری ہے۔
مغربی بنگال محکمہ صحت کے مطابق پندرہ روزہ سخت لاک ڈاؤن کا منصوبہ کامیاب ہوا ہے۔ گذشتہ بارہ دنوں کے دوران دس ہزار یومیہ کیسز میں کمی آئی ہے۔ 15 جون سے پہلے کورونا کے یومیہ کیسز کی تعداد 23 ہزار کے قریب ہوا کرتی تو آج بارہ ہزار ہوئی ہے اور آنے والے دنوں میں دس ہزار سے بھی نیچے چلی جائے گی۔