Published : Nov 3, 2023, 8:59 PM IST
کولکاتا:مغربی بنگال کے دارالحکومت کولکاتا میں پردیش کانگریس کے حامیوں نے ورلڈ کپ کے میچوں کے ٹکٹوں کی کالا بازاری کے خلاف جم کر احتجاج کیا۔ان کا کہنا ہے کہ ٹکٹوں کی کالا بازاری کا معاملہ سامنے کے بعد کرکٹ ایسوسی ایشن آف بنگال کو اس کی وضاحت کرنی چاہئے۔
کانگریس کے حامیوں کا کہنا ہے کہ پولیس کو اس کی جانچ کرنی چاہئے ۔اس معاملے میں ملوث لوگوں کے خلاف سخت کارروائی کرنی چاہئے تا کہ اس کی پوری سچائی سامنے آ سکے۔
دوسری طرف ترنمول کانگریس کے راجیہ سبھا ممبر پارلیمنٹ سکھیندوشیکھر رائے نے ہندوستان-جنوبی افریقہ میچ کے ٹکٹوں کی آن لائن فروخت پر ناراضگی ظاہر کی ہے۔ایکس ہینڈل پر، انہوں نے لکھاہے کہ آن لائن ٹکٹ بیچنے والے ہندوستان-جنوبی افریقہ میچ کے 90 ٹکٹ دکھا رہے ہیں۔ ٹکٹ کی قیمت 9000 روپے اور اس سے اوپر ہے۔ لیکن ایڈن گارڈنز میں نشستوں کی تعداد تقریباً 68 ہزار ہے۔
کلکتہ پولیس ٹکٹ بلیک مارکیٹ کے سرغنوں کو پکڑے۔ سٹے بازی کے چکر کو بھی بے نقاب کیا جانا چاہئے۔پولس نے اس معاملے کی نتحقیقات شروع کر دی ہے، لیکن سی اے بی حکام کا کہنا ہے کہ ان کے پاس عملی طور پر کچھ نہیں ہے۔ CAB کے صدر Snehashis نے کہاکہ ورلڈ کپ ایک ICC ایونٹ ہے۔ بورڈ آف کرکٹ ان انڈیا (BCCI) نے ایک ایجنسی کو ٹکٹوں کی آن لائن فروخت کا کام سونپا ہے۔ CAB صرف میچ کا منتظم ہے۔ ہم نے ٹکٹیں آن لائن ٹکٹنگ ایجنسی کے ذریعے بھی حاصل کئے ہیں۔ ہمیں ڈیمانڈ سے بہت کم ٹکٹ ملے ہیں۔ نتیجتاً کلبوں، منسلک تنظیموں، ممبران کو مقررہ کوٹہ کم کرنا پڑگیا ہے۔
