کانگریس امیدوار کو دھمکیاں مل رہی ہیں: ادھیر رنجن

کانگریس رہنما ادھیر رنجن چودھری نے حکمراں جماعت ترنمول کانگریس پر تنقید کرتے ہوئے سوال کیا کہ اپوزیشن جماعتوں کو امیدوار اتارنے کا کوئی حق نہیں ہے۔؟

مغربی بنگال پردیش کانگریس کے صدر ادھیر رنجن چودھری نے کہا کہ کانگریس نے تین اسمبلی حلقوں میں ہونے والے ضمنی انتخابات کے لئے ایک ہی امیدوار کو میدان میں اتارنے کا فیصلہ کیا ہے۔

کانگریس کے رہنما کا کہنا ہے کہ اس کے باوجود حکمراں جماعت ترنمول کانگریس میں بے چینی پائی جا رہی ہے۔ انہیں پسند ہی نہیں ہے کہ انتخابی میدان میں اپوزیشن بھی رہے۔

انہوں نے کہا کہ شمشیرگنج کے امیدوار این ایم اسلام کانگریس کے سنئیر رہنما ہیں۔ انہیں انتخابی میدان میں اتارا گیا ہے لیکن ترنمول کانگریس کے چھوٹے بڑے رہنماؤں کی جانب سے انہیں مسلسل دھمکیاں مل رہی ہیں۔

کانگریسی رہنما ادھیر رنجن چودھری کا کہنا ہے کہ ممتابنرجی ریاست میں ایک پارٹی کی حکومت کی پالیسی پر عمل کر رہیں ہیں۔ اگر ایسا ہے تو پھر اپوزیشن جماعتوں کے امیدواروں کو نامزدگی کرنے کیوں دیا گیا؟۔

مغربی بنگال پردیش کانگریس کے صدر ادھیر رنجن چودھری نے کہا ممتابنرجی کی قیادت والی حکمراں جماعت ترنمول کانگریس اور سی پی آئی ایم کے خلاف بولتی ہیں لیکن بی جے پی سے متعلق سوال پر خاموش رہتی ہیں۔