مغربی بنگال بائیں محاذ کے چئیر مین نے کہا کہ بائیں محاذ۔ کانگریس اتحاد ریاست میں ترنمول اور بی جے پی کے خلاف ووٹروں کو جمع کریں گے۔
مغربی بنگال کانگریس کے صدر سومیندر ناتھ مترا نے کہا ہے کہ انهوں نے کانگریس کی صدر سونیا گاندھی کے ساتھ نئی دہلی میں ایک میٹنگ کی ہے اور انہیں بائیں محاذ کے ساتھ سیٹ کی تقسیم کے مسئلہ پر ہری جھنڈی مل گئی ہے۔
انہوں نے کہاکہ کانگریس اور سی پی آ ئی ایم کے درمیان اتحاد وقت کی اہم ضرورت ہے ۔ اس کے بغیر بی جے پی اور حکمراں جماعت ترنمول کانگریس کو کسی بھی قیمت پر شکست نہیں دے سکتے ہیں۔
کانگریس نے محترمہ دھيتاشري رائے کو كالياگنج اور چترنجن منڈل كو كھڑگ پور اسمبلی سیٹ پر امیدوار بنایا ہے۔كلياگنج سیٹ سے کانگریس کے ممبر اسمبلی پرمارتھ ناتھ رائے کے انتقال کے بعد خالی ہوئی ہے ۔
كھڑگپور صدر سیٹ پر بی جے پی کے دلیپ گھوش کامیاب ہوئے تھے لیكن بعد میں وہ مدنی پور لوک سبھا سیٹ پر بھی الیکشن جیت گئے تھے۔ كريم پور لوک سبھا سیٹ ترنمول کانگریس کی مہوا موئترا کرشنا نگر لوک سبھا سیٹ پر منتخب ہونے کی وجہ سے خالی ہوئی تھی۔