بنگال بی جے پی صدر کے خلاف الیکشن کمیشن کو شکایت

ترنمول کانگریس نے بنگال بی جے پی کے ریاستی صدر و رکن پارلیمان دلیپ گھوش کے خلاف ضمنی انتخاب کے دوران ضابطہ اخلاق کی خلاف ورزی کرنے کا الزام عاید کرتے ہوئے الیکشن کمیشن سے شکایت کی ہے۔

شکایت ہے کہ دلیپ گھوش کھڑکپور صدر کے ووٹر نہیں ہے اس کے باوجود پولنگ کے دن وہ وہاں موجود تھے اور مختلف میڈیا ہاؤسیس سے بات چیت بھی کی۔

کھڑکپور صدر سے ترنمول کانگریس کے امیدوار پردیپ سرکار نے دلیپ گھوش یہاں کے ووٹر نہیں ہیں اس کے باوجود وہ ووٹنگ کے دن یہاں موجود تھے۔کیا انہوں نے اس کیلئے کسی سے بھی اجازت لی تھی۔کیا وہ پولنگ کو کنٹرول کرنا چاہتے تھے۔

خیال رہے کہ مدنی پور سے انتخاب جیتنے کی وجہ سے کھڑکپور صدراسمبلی سیٹ سے دلیپ گھوش نے استعفیٰ دیدیا تھا۔بی جے پی نے دعویٰ کیا ہے کہ گھوش نے خصوصی اجازت لی تھی۔

گھوش نے کہا کہ گرچہ میں یہاں کا ووٹر نہیں ہوں مگر اس علاقے کا ممبر پارلیمنٹ ہوں اس لیے مجھے اس علاقے میں رہنے سے کوئی نہیں روک سکتا ہے۔ہاں پولنگ میں نہیں جاسکتا تھا۔