ٹی ایم سی رہنما ابھیشک بنرجی ای ڈی کے سامنے حاضر ہوں گے

کوئلہ بدعنوانی معاملے میں ترنمول کانگریس کے قومی جنرل سکریٹری ابھیشک بنرجی کے ای ڈی کے سامنے حاضر ہوں گے لیکن ابھی تک ترنمول کانگریس یا پھر ابھیشک بنرجی کی جانب سے اس ضمن میں کوئی بیان جاری نہیں کیا گیا ہے۔

ذرائع کے مطابق جنوبی 24 پرگنہ کے ڈائمنڈ ہاربر سے ترنمول کانگریس کے رکن پارلیمان اور پارٹی کے قومی جنرل سیکرٹری ابھیشک بنرجی انفورسمنٹ ڈائریکٹر کے دفتر جائیں گے۔

ٹی ایم سی رہنما ابھیشک بنرجی ای ڈی کے سامنے حاضر ہوں گے

انفورسمنٹ ڈائریکٹوریٹ نے مغربی بنگال کی وزیراعلیٰ ممتا بنرجی کے بھتیجے اور ترنمول کانگریس کے قومی جنرل سیکرٹری ابھیشک بنرجی اور ان کی بیوی روجیرا بنرجی کے خلاف نوٹس جاری کیا تھا۔

ابھیشک بنرجی کی بیوی روجیرا بنرجی نے اپنے دو بچوں اور کورونا وائرس کی تیسری لہر کے حوالے دیتے ہوئے ای ڈی کے دفتر میں حاضر ہونے سے معذرت کرلی تھی۔

واضح رہے کہ نومبر 2020 میں کوئلہ بدعنوانی معاملے میں کروڑوں روپے کے لین دین کا انکشاف ہوا تھا۔