ممتا بنرجی جلد ہی بردوان ضلع کا دورہ کریں گی

ضلع انتظامیہ کے سربراہ پرندو ماجھی کا کہنا ہے کہ 'وزیر اعلی ممتا بنرجی رواں ماہ کے دوران کسی بھی دن بردوان آ سکتی ہیں۔'

مغربی بنگال کی وزیراعلی ممتا بنرجی اگلے برس ہونے والے اسمبلی انتخابات کے مد نظر اپنی تیاری زور شور سے شروع کر چکی ہیں۔ وزیر اعلی ممتا بنرجی بہت جلد بردوان ضلع کا دورہ کریں گی۔ حالانکہ ممتا بنرجی کا بردوان دورے کی تاریخ کا اعلان نہیں کیا گیا ہے۔

اس کے باوجود ضلع انتظامیہ کی جانب سے تیاری شروع کردی گئی ہے۔

ضلع انتظامیہ کے سربراہ پرندو ماجھی کا کہنا ہے کہ 'وزیر اعلی ممتا بنرجی رواں ماہ کے دوران کسی بھی دن بردوان آ سکتی ہیں۔'

انہوں نے کہا کہ 'وزیراعلی کے دورے کی تاریخ مقرر نہیں ہونے کے باوجود پوری تیاری کی جا رہی ہے۔'

ضلع انتظامیہ کے سربراہ کا کہنا ہے کہ 'وزیراعلی کے دورے کی تاریخ مقرر ہونے سے قبل تمام تیاریوں کو مکمل کرنے کی کوشش کی جا رہی ہے۔ اس کے لئے بڑے پیمانے پر کام کیا جا رہا ہے۔ ہمیں امید ہے کہ وقت سے پہلے تیاری مکمل کر لی جائے گی۔'

واضح رہے کہ 'وزیر اعلی ممتا بنرجی آسنسول میں کافی ہاؤس اور آرٹ گیلری کا افتتاح کریں گی۔'