کولکاتا:مغربی بنگال کے دارالحکومت کولکاتا میں واقع سیکریٹریٹ بلڈنگ نبنو نے اوڈیشہ کے مختلف اضلاع میں زخمی یا ہلاک ہونے والوں کے لواحقین کو کلکتہ لانے کا حکم دیا ہے۔ مختلف اضلاع کے ضلع مجسٹریٹوں کو ہدایت دی گئی ہے۔ وزیر اعلیٰ مرنے والوں کے لواحقین کو 5 لاکھ روپے، شدید زخمیوں کو ایک لاکھ روپے اور زخمیوں کو 50 ہزار روپے کے معاوضے کا چیک سونپیں گی۔
جمعہ کو ہونے والے ٹرین حادثے کے بعد ممتا بنرجی ہفتہ کو بالاسور گئی تھیں۔ جائے حادثہ کا دورہ کیا تھا۔ اوڈیشہ حکومت کی طرف سے وزیر اعلیٰ کو ایک قافلے میں موقع پر لے جایا جا رہا ہے۔ ممتا بنرجی بہناگا ہائی اسکول بھی گئیں۔ اس ٹرین حادثے میں ہلاک ہونے والوں کی لاشیں وہیں رکھی ہوئی تھیں ۔ مختلف ریاستوں کے رہائشی لاپتہ رشتہ داروں کی تلاش میں اس اسکول میں آئے ہیں۔
اس کے علاوہ وزیراعلیٰ نے ہسپتال کا دورہ بھی کیا۔ ممتا بنرجی نے مدنی پور میں اسپتال کو تیار رہنے کی ہدایت دی تھی ۔انہوں نے کہا کہ تھا کہ بنگال کے ڈاکٹروں کی ٹیم بھی اڈیشہ کا دورہ کرے گی ۔ممتا نے ہفتہ کو وزیر ریلوے کے ساتھ کھڑے ہو کر ریلوے کی تنقید کی تھی۔
اڈیشہ کے بالاسور سے ایک کے بعد ایک لاشیں ریاست میں پہنچ رہی ہیں۔ اتنا ہی نہیں ٹرین حادثے میں زخمی ہونے والے مسافر اب بھی ریاست میں زیر علاج ہیں۔ اس کی وجہ سے وزیر اعلیٰ ممتا بنرجی نےشمالی بنگال کا دورہ رد کردیا ہے۔ممتا بنرجی چار روزہ دورے پر پہاڑ کا دورہ کرنے والی تھیں وہ منگل کو دارجلنگ میں ایک سرکاری سروس ڈیلیوری تقریب میں شرکت کرنے والی تھیں، اور بدھ کو بھانو بھون میں صنعت کاروں کے ساتھ میٹنگ کرنے والی تھی۔ انہیں جمعرات کو کلکتہ واپس آنا تھا۔ ممتا بنرجی نے دورہ کا شیڈول فی الحال معطل کر دیا۔