وزیراعلیٰ ممتا بنرجی کی مرکزی حکومت پر تنقید

وزیراعلیٰ ممتا بنرجی نے کہا کہ مرکزی حکومت ریاستوں کو کوٹے کا ویکسین نہیں دے پا رہی ہے تو 2021 تک پورے ملک کے عوام کو کیسے دے پائےگی۔ یہ کیسے ممکن ہے؟

مغربی بنگال کی وزیر اعلیٰ ممتا بنرجی نے بی جے پی کی قیادت والی مرکزی حکومت پر ویکسین کی تقسیم کو لے کر جم کر تنقید کی۔ وزیراعلیٰ ممتا بنرجی نے کہا کہ سوچنے والی بات ہے کہ بی جے پی کی قیادت والی مرکزی حکومت جب ضرورت مند ریاستوں کو اس کے کوٹے کا کورونا ویکسین دے نہیں پائی ہے۔ اس کے باوجود وہ ملک کے عوام سے وعدہ کرتی ہے کہ 2021 تک پورے ملک کو ویکسین دےگی۔

وزیراعلیٰ ممتا بنرجی نے کہا کہ مرکزی حکومت ریاستوں کو کوٹے کا ویکسین نہیں دے پارہی ہے تو 2021 تک پورے ملک کی عوام کو کیسے دے پائےگی۔ یہ کیسے ممکن ہے؟

انہوں نے کہا کہ اگلے آٹھ مہینوں میں ملک میں رہنے والے تمام لوگوں کو کورونا ویکسین دینے کا اعلان سیاسی ہے۔ اس میں ذرا بھی سچائی نہیں ہے۔

ترنمول کانگریس کی سربراہ ممتا بنرجی کا کہنا ہے کہ بنگال کی بات بہت دور ہے۔ کورونا سے بری طرح متاثر دہلی اور مہاراشٹر کو ان کے کوٹے کا کورونا ویکسین نہیں دیا گیا ہے۔ دو ریاستیں مہاراشٹر اور دہلی کورونا ویکسین کے لئے مرکزی حکومت سے اپیل کرتی رہتی ہیں، ان کی ایک نہیں سنی جاتی ہے۔

وزیر اعلیٰ ممتا بنرجی کا کہنا ہے کہ بی جے پی کی قیادت والی مرکزی حکومت کو کورونا ویکسین کو لے کر اپنی پالیسی کو واضح کرنے کی ضرورت ہے۔ ملک کے لوگوں کو بھی پتہ چلنا چاہیے کہ ان کے ساتھ کیا ہو رہا ہے۔

انہوں نے کہا کہ پورا ملک اس وقت کورونا وائرس سے نجات پانے کی جدوجہد میں مصروف ہے۔ اس وقت لوگوں کو باتیں اور وعدے نہیں کورونا ویکسین چاہیے۔