CM Mamata Banerjee وزیراعلیٰ ممتا بنرجی کا گجرات حادثے پر اظہار غم

ترنمول کانگریس کی سربراہ اورمغربی بنگال کی وزیر اعلیٰ ممتا بنرجی نے گجرات کے موربی میں پل گرنے کے حادثے میں جانی نقصان پر افسوس کا اظہار کیا۔ CM Mamata Banerjee

کولکاتا:مغربی بنگال کی وزیر اعلیٰ ممتا بنرجی نے گجرات کے موربی میں پل گرنے کے واقعہ میں جانی نقصان پر افسوس کا اظہار کرتے ہوئے مرکزی حکومت کو تنقید کا نشانہ بنایا۔ سوشل میڈیا پر اپنی پوسٹ میں، محترمہ بنرجی نے کہا، "مجھے گجرات کے موربی میں پل گرنے کے واقعے سے بہت دکھ ہوا، جس میں کئی معصوم جانیں چلی گئیں اور بہت سے لوگ زخمی ہوئے۔ CM Mamata Banerjee Condolences To Victims Of Gujarat Bridge Accident

انہوں نے کہاکہ مہلوکین کے اہل خانہ اور دوستوں کے ساتھ میری گہری تعزیت ہے۔ میں زخمیوں کی جلد صحت یابی کے لئے دعاگوہوں۔امید ہے کہ تمام زخمی لوگ جلد صحتیاب ہوجائیں گے۔ واضح رہے کہ گجرات کے موربی شہرکے بی ڈویژن علاقے میں اتوار کے روز پل گرنے سے اب تک 132 افراد ہلاک اور سات دیگر زخمی ہو گئے ہیں۔

ضلع انتظامیہ کے ذرائع نے یو این آئی کو بتایا کہ پیر کی صبح تک اس حادثے میں مرنے والوں کی تعداد 132 ہو گئی ہے، جب کہ سات دیگر زخمی اسپتال میں زیرعلاج ہیں۔ مرنے والوں کی تعداد میں اضافہ ہوسکتا ہے۔ اب بھی ندی میں لوگوں کی تلاش جاری ہے۔ پولیس نے بتایا کہ مچھو ندی پربنا پُل کل شام اچانک گر گیا، جس کی وجہ سے کئی لوگ ندی میں گر گئے۔ پل پر آنے والے زیادہ تر لوگ چھٹھ پوجا کے لیے آئے تھے۔CM Mamata Banerjee Condolences To Victims Of Gujarat Bridge Accident