Chirag Paswan چراغ پاسوان نے بہار میں صدر راج نافذ کرنے کا مطالبہ کیا

لوک جن شکتی پارٹی کے قومی صدر چراغ پاسوان نے عظیم اتحاد حکومت پرتنقید کرتے ہوئے کہا کہ بہار میں ڈبل جنگل راج ہے۔ بہار میں ایسے واقعات ہو رہے ہیں جس کا لوگوں نے کبھی تصوربھی نہیں کیا تھا۔ انہوں نے گورنر سے اپیل کی کہ ان واقعات کا وہ خود نوٹس لے اور بہار میں صدر راج نافذ کرنے کی سفارش مرکزی حکومت سے کریں، بہار میں صدر راج نافذ کرنا ہی واحد متبادل ہے. Chirag Paswan

پٹنہ:لوک جن شکتی پارٹی کے قومی صدر چراغ پاسوان نے کہاکہ بہار میں مہا گھٹبندن کی حکومت قائم عمل میں آنے کے بعد ریاست میں جرائم کی وارداتوں میں تشوشیناک اضافہ ہوا ہے۔Chirag Paswan Slam Mahagathbandhan Govt In Bihar

اس سے قبل سینکڑوں کارکنان کو چراغ پاسوان نے لوجپا میں شامل کر انہیں پارٹی کی رکنیت دلائی، کارکنان کی جانب سے چراغ پاسوان کو سونے کا مکٹ پہنایا گیا

بعد ازاں خطاب کرتے ہوئے لوجپا کے ریاستی صدر راجو تیواری نے وزیر اعلیٰ نتیش کمار حکومت پر تنقید کرتے ہوئے کہا کہ آج بہار میں کس کی حکومت ہے۔ یہ عوام کو بتانے کی ضرورت نہیں ہے، نتیش کمار واحد ایسے شخص ہیں کہ اقتدار الٹ پلٹ ہو جائے مگر وزیر اعلیٰ کی کرسی پر وہی قابض رہتے ہیں، 2005 میں اقتدار میں آنے سے قبل نتیش کمار نے ہی راجد کی حکومت کو جنگل راج کا خطاب دیا تھا۔

چراغ پاسوان کا بہار میں صدر راج نافذ کرنے کا مطالبہ

لوجپا کے قومی صدر و رکن پارلیمان چراغ پاسوان نے کہا کہ بہار میں بدامنی کا ماحول قائم ہے، جرائم پیشوں کی دل انتظامیہ کا کوئی خوف نہیں ہے، یہی وجہ ہے کہ بہار میں آئے دن بڑے واقعات رونما ہو رہے ہیں، کیا ہمارے بزرگوں نے ایسے ہی بہار کا خواب دیکھا تھا.

چراغ پاسوان نے اپنے کارکنان سے کہا کہ آپ لوگ انتخاب کے لیے تیار رہے، درمیان میں کسی بھی وقت بہار کا انتخاب ہو سکتا ہے، یہ سرکار زیادہ دنوں تک چلنے والی نہیں ہے.Chirag Paswan Slam Mahagathbandhan Govt In Bihar