Central Seek Report On Violence ہاوڑہ اور رشٹرا فرقہ وارانہ تشدد: مرکزی وزارت داخلہ نے رپورٹ طلب کی

مرکزی وزارت داخلہ نے ممتابنرجی کی قیادت والی مغربی بنگال حکومت سے ہاوڑہ اور رشٹرا میں رام نومی جلوس کے دوران ہونے والے تشدد پر تفصیلی رپورٹ طلب کی ہے۔اس سلسلے میں وزیر داخلہ امت شاہ کی گورنر مغربی بنگال سے بات چیت بھی ہوئی ہے۔

کولکاتا:مرکزی وزیر داخلہ امت شاہ نے گورنر سی وی آنند بوس سے بات کی اور ریاست کی موجودہ صورتحال کا جائزہ لیا، خاص طور پر ہاوڑہ اور رشٹرا کے تشدد زدہ علاقوںسے متعلق بات چیت کی ہے۔ ذرائع نے بتایا کہ وزارت داخلہ نے ہاوڑہ میں رام نومی کے موقع پر ہونے والے تشدد کے سلسلہ میں مغربی بنگال حکومت سے تفصیلی رپورٹ طلب کی ہے۔ گزشتہ روز 30 مارچ کو تہوار کے دوران دو گروپوں کے درمیان جھڑپیں ہوئیں۔

اس سلسلے میں ہاوڑہ سٹی پولیس نے بتایا کہ علاقے میں کئی گاڑیوں کو نذر آتش کیا گیا اور دکانوں میں توڑ پھوڑ کی گئی۔ہاوڑہ میں تشدد کے سلسلے میں 30 سے زیادہ لوگوں کو گرفتار کیا گیا تھا۔ دوسری طرف مغربی بنگال کے گورنر سی وی آنند بوس رام نومی کے جلوس کو لے کر ریاست کے کئی حصوں میں بدامنی سے متعلق تفصیلی رپورٹ مرکز کو بھیجنے جا رہے ہیں۔

غور طلب ہے کہ ریاست کے بی جے پی صدر سکانت مجمدار نے اسی دن مرکزی وزیر داخلہ کو خط لکھ کر ریاست کے مختلف علاقوں بشمول ہاوڑہ کے شیو پور اور ہگلی رشا میں جاری بدامنی کو دیکھتے ہوئے کہا تھا۔ انہوں نے خط میں مرکزی مداخلت کا مطالبہ کیا۔ اس کے بعد معلوم ہوا ہے کہ مرکز نے ریاست سے رپورٹ طلب کی ہے۔ لیکن اس معاملے میں گورنر سینٹر الگ الگ رپورٹ بھیجنے کا معاملہ بھی اہم ہے۔

اسی سلسلے میں کلکتہ ہائی کورٹ نے ریاستی حکومت کو ہنومان جینتی کے موقع پر مغربی بنگال پولیس کے ساتھ ساتھ مرکزی فورسز کی خدمات حاصل کرنے کا حکم دیا ہے۔عدالت کا کہنا ہے کہ ریاستی حکومت کو اس سلسلے میں ٹھوس فیصلہ کرنا ہوگا۔