CM Mamata after Share Market Crash حصص کی قیمتوں میں زبردست گراوٹ کی وجہ سے مرکزی حکومت غیر مستحکم ہوگئی ہے

وزیراعلیٰ ممتا بنرجی نے نریندر مودی کی زیرقیادت مرکز پر زبانی حملہ کرتے ہوئے دعویٰ کیا کہ اڈانی گروپ کے حصص کی قیمتوں میں زبردست گراوٹ کی وجہ سے مرکزی حکومت غیر مستحکم ہوگئی ہے۔ CM Mamata after Share Market Crash

بردوان:مغربی بنگال کے بردوان ضلع میں عوامی جلسے کو خطاب کرتے ہوئے وزیر اعلیٰ ممتا بنرجی نے کہا کہ اسٹاک مارکیٹ کا کریش کی وجہ سے مرکزی حکومت تشویش میں مبتلا ہو گئی ہے۔ کیونکہ دو تین صنعت کاروں کی بدولت یہ حکومت اپنے پیروں پر کھڑی ہے۔

واضح رہے کہ وزیر اعلیٰ گزشتہ پیر سے ضلع کا دورہ کر رہے ہیں۔ وہ مشرقی بردوان میں تھیں جہاں انہوں نے کئی سرکاری پروگراموں میں شرکت کی۔ ریاست میں ان کی انتظامیہ کی طرف سے کئے گئے ترقیاتی کاموں کا خلاصہ کیا ۔ممتا بنرجی نے متعدد مسائل پر مرکز کی مودی حکومت پر حملہ کیا۔ مرکز نے 6-8 لوگوں کو شیئر خریدنے کے لئے بلایا۔اسی وجہ سے شیئر کی قیمتیں گر رہی تھیں۔ کچھ لوگ ان سے کئی ہزار کروڑ روپے خرچ کرنے کو کہہ رہے ہیں۔

وزیراعلی نے دعویٰ کیا کہ ان کے پاس اس سلسلے میں تفصیلی معلومات ہیں۔وقت آنے پر عوام کے سامنے سچائی کو لائیں گی ۔اس وقت پتہ چلے گا کہ اقتدار پر قبضہ برقرار رکھنے کے لئے کون کیا کر سکتا ہے ۔

انہوں نے سب سے کم انکم ٹیکس سلیب کو 5 لاکھ سے بڑھا کر 7 لاکھ روپے کرنے پر مرکز پر کڑی تنقید کی۔ نئے ٹیکس ڈھانچے میں مزید چھوٹ دی جائے گی۔ یہ حکومت اقتدار میں رہنے کی صورت میں تمام بینک بند کر دے گی۔ LIC کا وجود ختم ہو جائے گا۔ حصص فروخت ہو رہے ہیں۔