Coal Smuggling Case In Bengal کوئلہ اسمگلنگ:بکاش مشرا سی بی آئی کی تحویل میں

دو سال قبل گرفتارکوئلہ اسمگلنگ کیس میں بکاش مشرا کا بیان سات دن کی سی بی آئی کی تحویل میں ملنے کے باوجود ریکارڈ نہیں کیا جا سکا۔ بیماری کی وجہ سے بکاش کو ڈھائی دن بعد ہسپتال میں داخل کرنا پڑا۔

کولکاتا:سپریم کورٹ کے حکم پر سی بی آئی نے بکاش مشرا کو چار دن کے لئے اپنی تحویل میں لے لیا۔سی بی آئی نے 16 اپریل 2021 کو بیکاش مشرا کو گرفتار کیا تھا۔

آسنسول کی خصوصی سی بی آئی عدالت نے سات دن کی سی بی آئی تحویل کا حکم دیا۔ دوران حراست بیمار پڑ گئے۔ سی بی آئی نے انہیں ہسپتال میں داخل کرایا تھا۔ بعد ازاں سرکاری ہسپتال منتقل کیا گیا۔ اسے حراست میں لے کر پوچھ گچھ نہیں کی جا سکی کیونکہ بعد میں اسے عبوری ضمانت دے دی گئی۔

سی بی آئی ذرائع کے مطابق 29 نومبر 2020 کو سی بی آئی نے کوئلہ اسمگلنگ کیس میں ایف آئی آر درج کی تھی۔ ای سی ایل، سی آئی ایس ایف، ریلوے کے کچھ عہدیداروں اور کارکنوں کی ملی بھگت سے کوئلے کی اسمگلنگ کی جارہی ہے۔ اس میں کئی لوگ بطور ساتھی ہیں۔ ایک کے بعد ایک کئی نام سامنے آئے۔انوب ماجھی اور دیگر طاقتور لوگوں کے نام اس میں سامنے آئے۔

سی بی آئی کا خیال ہے کہ بکاش مشرا سے پوچھ تاچھ ضروری ہے۔ اس لیے مرکزی تفتیشی ایجنسی نے حراست میں پوچھ گچھ کے لیے سپریم کورٹ سے رجوع کیا۔ کیس کے فیصلے میں سپریم کورٹ نے بکاش مشرا سے چار دن کی سی بی آئی حراست میں پوچھ گچھ کا حکم دیا۔صرف کوئلے کی اسمگلنگ ہی نہیں، بکاش گائے کی اسمگلنگ کے معاملے میں بھی ملوث ہے۔

انوپ مشرا کے بڑے بھائی ونئے مشرا اب بھی فرار ہیں۔ انٹرپول نے ان کے لیے ریڈ کارنر نوٹس جاری کیا ہے۔ اس کی تلاش بھی جاری ہے۔ تحقیقاتی ایجنسی کا دعویٰ ہے کہ انوپ ماجھی عرف لالہ نے ان کے ذریعے مختلف لوگوں کو رقم بھیجی۔

یواین آئی