SSC Scam In West Bengal اسکول سروس کمیشن تقرری گھوٹالہ، سی بی آئی نے گوگل کو خط لکھا

اسکول سروس کمیشن گھوٹالہ میں سی بی آئی نے گوگل کو خط بھیج کر اسکول سروس کمیشن معاملے میں جعلی ویب سائٹس کے بارے میں تفصیلات طلب کی ہیں۔

کولکاتا: مغربی بنگال میں تقرری معاملے کی جانچ کرنے والی سی بی آئی کی ایک ٹیم کے مطابق دو ویب سائٹس ملی ہیں۔ سی بی آئی نے آئی پی ایڈریس سمیت تمام تفصیلات جمع کرنے کے لیے گوگل کو خط کر لکھا ہے۔ ان دونوں ویب سائٹس پر نااہلوں سے پیسے لئے گئے۔ ان کے نام ویب سائٹ پر آویزاں کیے گئے، لیکن بعد میں رقم لینے کے بعد فہرست کو حذف کر دیا گیا۔ سی بی آئی نے پہلی بار گوگل کو خط لکھ کر فرضی ویب سائٹ کی تمام تفصیلی جانکاری حاصل کی ہے۔ سی بی آئی ذرائع کے مطابق کچھ لوگوں کو نوکریاں ملی ہیں لیکن بہت سے لوگوں کو نوکری نہیں ملی، جس کے نتیجے میں پیسے دینے والے بہت سے لوگوں کو بھی دھوکہ دیا گیا ہے۔ اس لئے سی بی آئی گوگل سے دونوں ویب سائٹس کی تفصیلات جاننا چاہتی ہے۔

دریں اثنا، آیان شیل پر الزام ہے کہ اس نے میونسپل بھرتی میں بدعنوانی میں مختلف لوگوں سے تقریباً 12 کروڑ روپے بٹورے ہیں۔ سی بی آئی کا خیال ہے کہ یہ ہارڈ ڈسک پر موجود ہے۔ اس رقم کو کہاں لگانا ہے؟ ای ڈی تحقیقات کرے گی۔ آیان مختلف بلدیاتی اداروں میں میں بھرتی کے لئے فی امیدوار لاکھوں روپے لئے ہیں۔ تفتیشی ذرائع کے مطابق ایان کے نام پر کئی مقامات پر بے نامی فلیٹس ہیں۔ ایان کے پاس ان فلیٹس کے پیسے کہاں سے آئے؟ ای ڈی تحقیقات کر رہی ہے۔ زیادہ تر فلیٹ کلکتہ اور اس کے آس پاس کے علاقوں میں ہیں۔