CBI Notice MP Abhishek Banerjee سپریم کورٹ سے ابھیشیک بنرجی کو راحت ملنے کے بعد سی بی آئی کا ایک اور نوٹس

سپریم کورٹ نے سی بی آئی کو ترنمول کانگریس کے جنرل سیکریٹری ابھیشیک بنرجی سے پوچھ گچھ پر روک لگادی ہے۔ گزشتہ دنوں کلکتہ ہائی کورٹ کے جسٹس ابھیجیت گنگوپادھیائے نے ابھیشیک بنرجی اور کنتل گھوش سے ایک ساتھ پوچھ گچھ کرنے کی ہدایت دی تھی۔اس کے بعد اس فیصلے کے خلاف سپریم کورٹ میں اپیل دائر کی گئی تھی۔سپریم کورٹ نے اس حکم پر عبوری روک لگا دی تھی۔

کولکاتا:سپریم کورٹ میں مغربی بنگال کی حکمراں جماعت ترنمول کانگریس کے قومی جنرل سیکریٹری ابھیشیک بنرجی کے وکیل ابھیشیک منو سنگھوی نے جسٹس ابھیجیت گنگوپادھیائے کی ہدایت پر روک لگانے کی ہدایت دی۔سپریم کورٹ کے چیف جسٹس ڈی وائی چندر چوڑا کی بنچ نے آج عبوری حکم امتناعی دیا۔ کیس کی اگلی سماعت 24 اپریل کو ہوگی۔

جسٹس ابھیجیت گنگوپادھیائے نے جمعرات کو براہ راست کہا کہ ابھیشیک بنرجی اور کنتل گھوش سے جلد از جلد ایک ساتھ پوچھ گچھ کی جانی چاہیے۔کنتل گھوش نے کلکتہ پولس میں شکایت کی تھی کہ سی بی آئی اور ای ڈی ان پر ابھیشیک بنرجی کا نام لینے پر مجبور کررہے ہیں۔

جسٹس گنگوپادھیائے نے کہا کہ کنتل گھوش کا بیان 29 مارچ کی میٹنگ میں ابھیشیک بنرجی کی تقریر سے مطابقت رکھتا ہے۔ جج نے کہا کہ اس بات کی جانچ اور پوچھ گچھ ضروری ہے کہ کنتل گھوش کو اس شکایت کا بیان لکھنے کا ذریعہ وہیں سے تو نہیں ملا ہے۔ لیکن اس دن سپریم کورٹ کے حکم کے مطابق مرکزی تفتیشی ایجنسی ابھیشیک بنرجی سے پوچھ گچھ نہیں کر سکتی ہے۔

غورطلب ہے کہ گزشتہ دنوں کلکتہ ہائی کورٹ کے جسٹس ابھیجیت گنگوپادھیائے نے ابھیشیک بنرجی اور کنتل گھوش سے ایک ساتھ پوچھ گچھ کرنے کی ہدایت دی تھی۔اس کے بعد اس فیصلے کے خلاف سپریم کورٹ میں اپیل دائر کی گئی تھی۔سپریم کورٹ نے اس حکم پر عبوری روک لگا دی تھی۔

دوسری طرف سپریم کورٹ کی جانب سے راحت ملنے کے بعد چند گھنٹوں بعد ہی سی بی آئی نے مغربی بنگال کے وزیراعلیٰ ممتابنرجی کے بھتیجے اور رکن پارلیمان ابھیشیک بنرجی کے خلاف نوٹس جاری کیا ہے۔

یواین آئی