کلکتہ ہائی کورٹ کے جج چٹوپادھیائے نے اپنے فیصلے میں کہا کہ چوں کہ عدم اعتماد کی تحریک کا نوٹس چوں کہ میونسپلٹی چیرمین نے جاری کیا ہے جبکہ کمشنرکے ذریعہ نوٹس جاری کیا جانا چاہے۔اس لیے میئر شبھاشاچی دتہ کے خلاف عدم اعتماد کی تحریک غیر قانونی ہے۔
میئر شبھاشاچی دتہ کے وکیل نے سماعت کے شروع میں نوٹس کے قانونی وجود پر سوالیہ نشان لگادیا تھا۔
انہوں نے کہا کہ عدم اعتماد کی تحریک پر کاؤنسلروں نے خوف سے دستخط کیا ہے۔جبکہ ایڈوکیٹ کلیان بنرجی نے کہا کہ قانونی طور نوٹس درست ہے۔
خیال رہے کہ شبھاشاچی دتہ کی پارٹی مخالف سرگرمیوں کی وجہ سے ترنمول کانگریس نے انہیں میئر کا عہدہ چھوڑنے کو کہا تھا تاہم عہد ہ نہیں چھوڑنے کی صورت میں ترنمول کانگریس نے ان کے خلاف عدم اعتماد کی تحریک پیش کی تھی جس پر 18جولائی کو ووٹنگ ہونی تھی۔