Calcutta HC On Abhishek اگر ابھیشیک بنرجی عدالت کے حکم کی تعمیل نہیں کرتےتو ای ڈی ان کے خلاف کارروائی کر سکتی ہے:کلکتہ ہائی کورٹ

کلکتہ ہائی کورٹ نے آج واضح کیا ہے کہ اگر ابھیشیک بنرجی عدالت کے حکم کی تعمیل نہیں کرتے تو ای ڈی ان کے خلاف کارروائی کر سکتی ہے۔ ترنمول کانگریس کے آل انڈیا جنرل سکریٹری کو 10 اکتوبر بروز منگل کو ای ڈی کی طرف سے مانگے گئے دستاویزات کو جمع کرنا تھا لیکن منگل کی شام تک ابھیشیک کی طرف سے ای ڈی کے دفتر میں کوئی دستاویزات جمع نہیں کرائے گئے ہیں۔

کولکاتا:مغربی بنگال کی حکمراں اس کے بعد ہائی کورٹ کی جسٹس امرتا سنگھ کی سنگل بنچ نے حکم دیاکہ اگر ابھیشیک بنرجی عدالت کے حکم کی تعمیل نہیں کرتے تو ای ڈی ان کے خلاف ضروری کارروائی کر سکتی ہے۔

کلکتہ ہائی کورٹ کی ڈویژن بنچ نے ابھیشیک کو ای ڈی کے ذریعہ طلب کردہ دستاویزات پیش کرنے کی ہدایت دی تھی ۔ جسٹس سومین سین اور جسٹس ادے کمار کی بنچ نے 5 اکتوبر کو یہ حکم جاری کیا ہے۔ جسٹس سین نے کہاکہ ابھیشیک بنرجی کو ایک ہی دن تمام دستاویزات جمع کرانے ہوں گے۔ اس کے بعد عدالت انہیں ایک گھنٹہ بھی اضافی وقت نہیں دے گی۔ اس وقت ڈویژن بنچ نے اپنے حکم میں کہاتھا کہ اگر ای ڈی ابھیشیک کی طرف سے جمع کرائے گئے دستاویزات سے مطمئن نہیں ہے، تو مرکزی تفتیشی ایجنسی انہیں پیش ہونے کے لیے کہہ سکتی ہے

اس کے بعد منگل کو ہائی کورٹ کی سنگل بنچ میں ابھیشیک کی کمپنی لِپس اینڈ باؤنڈس سے متعلق معاملہ آیا۔ سی بی آئی اور ای ڈی نے تحقیقاتی رپورٹ جسٹس سنگھ کو سونپ دی ہے ۔ ابھیشیک کی رپورٹ کو لے کر دونوں پارٹیوں کے درمیان مختصر بات چیت ہوئی ہے۔

ای ڈی کے وکیل نے کہا کہ نئے تفتیشی افسر نے پہلے ہی اس معاملے میں چارج سنبھال لیا ہے۔ لیکن اب تک ابھیشیک بنرجی نے ای ڈی کو کوئی دستاویز پیش نہیں کی ہے۔اس کے بعد جسٹس سنگھ نے بتایا کہ اگر عدالتی حکم کی تعمیل نہیں کی گئی تو ای ڈی ابھیشیک بنرجی کے خلاف ضروری کارروائی کر سکتی ہے۔ اس معاملے میں ابھیشیک کے پاس ڈیویژن بنچ کے حکم کے مطابق آدھی رات 12 تک کا وقت ہے کہ وہ ای ڈی کو دستاویزات جمع کراسکتے ہیں۔ ای ڈی سنگل بنچ کے حکم کے مطابق ابھیشیک کے خلاف ضروری کارروائی کر سکتی ہے اگر اس وقت کے اندر دستاویزات جمع نہیں کرائے جاتے ہیں۔

ابھیشیک نے بھرتی معاملے میں ہائی کورٹ کی جج امریتا سنگھ کے حکم کو چیلنج کرتے ہوئے ڈویژن بنچ سے رجوع کیا تھا۔ انہوں نے ای ڈی کے سامنے پیش ہونے سے بچنے اور سنگل بنچ کے حکم کی وضاحت طلب کرتے ہوئے عرضی داخل کی تھی ۔ ابھیشیک کا استدلال تھا کہ بنچ انہیں کیس میں شامل کئے بغیر ایسے تمام ہدایات دے رہی ہے جس سے ان کی دلچسپی پر براہ راست اثر پڑے گا۔ان کی عرضی کی بنیاد پر ہائی کورٹ نے مقدمہ دائر کرنے کی اجازت دی۔ کیس کی سماعت گزشتہ بدھ اور جمعرات کو ہائی کورٹ کے ڈویژن بنچ میں ہوئی۔

وہیں، جسٹس سین ابھیشیک کے وکیل سےکہاکہ دھیان میں رکھیں، یہ براہ راست تفتیش نہیں ہے۔ عدالت کی نظیر کے تحت تفتیش جاری ہے۔ تو سنگل بنچ یہ کر سکتا ہے۔ سنگل بنچ تحقیقات کے مقصد سے تفتیشی ایجنسی سے جواب طلب کر سکتا ہے۔ یہاں تک کہ اگر عدالت کی نگرانی میں تفتیش کے دوران تفتیشی ایجنسی کی رپورٹ سے عدالت مطمئن نہ ہو تو جج نئی ہدایات بھی دے سکتا ہے۔ اس کے بعد عدالت نے ابھیشیک کو 10 اکتوبر کو دستاویزات جمع کرانے کا حکم دیا ہے۔

یو این آئی