Calcutta Football League کلکتہ فٹبال لیگ میں محمڈن اسپورٹنگ کی ایک اور جیت

محمڈن اسپورٹنگ نے سادھرن سمیتی کو کلکتہ فٹبال لیگ کے ایک اہم میچ میں دو صفر سے شکست دے کر لیگ ٹیبل میں پیشقدمی کرنے میں کامیاب رہی۔

شمالی 24 پرگنہ:مغربی بنگال کے شمالی 24 پرگنہ کے بیرکپور میں واقع فٹبال اسٹیڈیم میں کھیلے گئے کلکتہ فٹبال لیگ کے پریمیر ڈویژن کے ایک اہم میچ میں محمڈن اسپورٹنگ اور سادھرن سمیتی کی ٹیمیں آمنے سامنے ہوئیں۔ محمڈن اسپورٹنگ نے جارحانہ انداز میں کھیل کامظاہرہ کرتے ہوئے حریف ٹیم پر دباو بنانے کی کوشش کی ، کھیل کے 17 ویں ابھیجیت نے گول کرکے محمڈن اسپورٹنگ کو ایک صفر کی سبقت دلانے میں اہم رول ادا کیا۔

کھیل کے 37 ویں منٹ پرڈیوڈ لال سنگا نے گول کرکے محمڈن اسپورٹنگ کو دو صفر سے آگے کردیا۔پہلے ہاف میں حریف ٹیم کوئی گول نا کر سکی۔محمڈن اسپورٹنگ 0۔2 کی برتری حاصل کرنے میں کامیاب رہی۔ دوسرے ہاف میں سادھرن سمیتی نے محتاط انداز میں کھیل کا مظاہرہ کرتے ہوئے جوابی حملہ کیا لیکن محمڈن اسپورٹنگ کیدفاعی دیوار میں شگاف ڈالنے میں ناکام رہی۔

محمڈن اسپورٹنگ کی جانب سے جوابی حملے کئے گئے لیکن حریف کے خلاف مزید گول نہیں ہوسکا۔کھیل کے اختتام تک میچ کااسکور 0۔2 رہا۔ محمڈن اسپورٹنگ نے 0۔2 گول سے میچ جیت کر لیگ ٹیبل میں سرفہرست ٹیموں کا تعاقب جاری رکھا۔

محمڈن اسپورٹنگ کے کوچ مہراج الدین ووڈو نے کہاکہ ٹیم کو جیت ملنے سے خوشی ہوئی ہے لیکن ہمیں اور بڑی جیت مل سکتی تھی۔انہوں نے کہاکہ ہمیں اگلے میچ میں اس سے بہتر کھیل کامظاہرہ کرنے کی کوشش کرنی چاہئے ۔